തമിഴ് സൂപ്പര്‍താരം അജിത്ത് യൂറോപ്യന്‍ പര്യടനത്തിന്റെ തിരക്കിലാണ്. റൈഡര്‍ കൂടിയായ സൂപ്പര്‍താരം ഷൂട്ടിങ് ഇടവേളകളിലെ തന്റെ യാത്രകളുടെ ഭാഗമാണ് ഇപ്പോഴത്തെ യൂറോപ്യന്‍ ടൂര്‍. ഭാര്യയുമായ ശാലിനിയാണ് അജിത്തിന്റെ യാത്രയ്ക്കിടയിലെ ദൃശ്യങ്ങള്‍ പങ്കുവച്ചിരിക്കുന്നത്.
ജര്‍മനി, ഡെന്‍മാര്‍ക്ക്, നോര്‍വെ, അങ്ങനെ കുറെ...' എന്ന അടിക്കുറിപ്പോട് കൂടിയാണ് ശാലിനി അജിത്തിന്റെ ബൈക്ക് യാത്രയ്ക്കിടയിലെ ദൃശ്യങ്ങള്‍ പങ്കുവച്ചത്. ചിത്രത്തിന് താഴെ ആരാധകരുടെ കമന്റുകളുടെ കുത്തൊഴുക്കും ആരംഭിച്ചു.
ജീവിതവും കരിയറും പാഷനും മുമ്പോട്ട് കൊണ്ട് പോകാന്‍ അദ്ദേഹത്തിന് നന്നായി അറിയാമെന്നും അജിത്ത് ഒരു നടനാണെന്നുള്ള കാര്യം മറന്ന് റൈഡറായി ജീവിക്കുകയാണെന്നും ആരാധകര്‍ പറയുന്നു. താരദമ്പതികള്‍ പരസ്പരം നല്‍കുന്ന പിന്തുണയും ആരാധകരുടെ പ്രശംസ പിടിച്ചുപറ്റുന്നുണ്ട്.
കുറച്ച് മാസങ്ങള്‍ക്ക് മുമ്പാണ് ശാലിനി ഇന്‍സ്റ്റഗ്രാമില്‍ സജീവമായത്. വിവാഹത്തിന് ശേഷം സിനിമയില്‍ നിന്ന് വിട്ട് നിന്ന താരം മാധ്യമങ്ങളില്‍ നിന്നും പൊതു വേദികളില്‍ നിന്നും പൂര്‍ണായി വിട്ട് നിന്നിരുന്നു. അജിത്ത് കുമാറും സാമൂഹ്യ മാധ്യമങ്ങളില്‍ ഇല്ല.
മഗിഴ് തിരുമേനി സംവിധാനം ചെയ്യുന്ന വിടാ മുയര്‍ച്ചിയാണ് അജിത്തിന്റെ പുതിയ ചിത്രം. യൂറോപ് ബൈക്ക് പര്യടനത്തിന് ശേഷം സിനിമയുടെ ചിത്രീകരണം ആരംഭിക്കുമെന്നാണ് റിപ്പോര്‍ട്ട്. ലൈക്കാ പ്രൊഡക്ഷന്‍സ് നിര്‍മ്മിക്കുന്ന ചിത്രം പ്രീ-പ്രൊഡക്ഷന്‍ ഘട്ടത്തിലാണ്.