തമിഴിലെ ബിഗ് ബോസ് താരവും പ്രമുഖ അവതാരകനുമായ വിജെ അഭിഷേക് രാജ സംവിധായകനായി അരങ്ങേറുന്നു. ജാം ജാം എന്ന് പേരിട്ടിരിക്കുന്ന റൊമാന്റിക് ത്രില്ലർ ചിത്രത്തിലൂടെയാണ് വിജെ അഭിഷേക് സംവിധായകനായി അരങ്ങേറുന്നത്.
'റോം-കാമം' ചിത്രം എന്നാണ് ചിത്രത്തിന്റെ പോസ്റ്ററിൽ ജാം ജാമിനെ വിശേഷിപ്പിച്ചിരിക്കുന്നത്. ഒരു ഡയറക്ടറാവുന്നത് ജീവിതത്തിലെ അടുത്ത ഏറ്റവും വലിയ ചുവടുവെയ്പ്പുകളിൽ ഒന്നാണെന്ന് അഭിഷേക് ചിത്രം പ്രഖ്യാപിച്ചുകൊണ്ട് പറഞ്ഞു. തന്റെ ചിത്രം ഒരു കംപ്ലീറ്റ് റൊമാന്റിക് കോമഡി ചിത്രമായിരിക്കില്ലെന്നും റൊമാൻസ് ത്രില്ലിംഗ് തരുന്ന ചിത്രമായിരിക്കുമെന്നും അഭിഷേക് രാജ പറഞ്ഞു.
തേനി ഈശ്വറാണ് ചിത്രത്തിന്റെ ക്യാമറ. മുകുന്ദൻ ഉണ്ണി അസോസിയേറ്റ്‌സിന്റെ സംവിധായകൻ അഭിനവ് സുന്ദർ നായകാണ് ചിത്രം എഡിറ്റ് ചെയ്യുന്നത്.
'ഓ മൈ ഗോഡ്', 'ബാച്ചിലർ' എന്നീ രണ്ട് റൊമാന്റിക് ചിത്രങ്ങൾ നിർമിച്ച ആക്സസ് ഫിലിം ഫാക്ടറിയുടെ ബാനറിൽ ദില്ലി ബാബുവാണ് ചിത്രം നിർമിക്കുന്നത്.
നവദേവി രാജ്കുമാർ വസ്ത്രാലങ്കാരം. അജയകൂത്തൻ, സുരൻജിയ എന്നിവരാണ് സംഗീതവും പശ്ചാത്തല സംഗീതവും ഒരുക്കിയിരിക്കുന്നത്. പ്രദീപ് രാജ് ആണ് ചിത്രത്തിന്റെ കലാസംവിധാനം ചിത്രത്തിലെ മറ്റ് അണിയറപ്രവർത്തകരുടെ വിവരങ്ങൾ ഉടൻ പുറത്തുവിടുമെന്ന് അഭിഷേക് മാധ്യമങ്ങളോട് പറഞ്ഞു.