മലയാളികൾ കണ്ടു വളർന്ന മോഹൻലാലിന്റെ മാസ് ആന്റ് ക്ലാസ് സിനിമ , ഡയലോഗ് പോലും മനഃപാഠമാണ് . എങ്കിലും ചിത്രം വീണ്ടും ഒരിക്കൽ കൂടി തീയേററ്റിൽ എന്തുമ്പോൾ ആഘോഷമാക്കുകയാണ് പ്രേക്ഷകർ. തീയേറ്റിലെ അനുഭവം വാക്കുകൾ കൊണ്ട് വിവരിക്കാനാകുന്നില്ലെന്നാണ് പലരുടെയും പ്രതികരണം.

താടിയില്ലാത്ത ലാലേട്ടനെ വീണ്ടും കാണാൻ പറ്റിയെന്ന് പറയുന്നവരും കുറവല്ല . പുതിയ പതിപ്പിന് പഴയ ചിത്രത്തെക്കാൾ 8.5 മിനിറ്റ് ദൈർഘ്യം കൂടുതലുണ്ട് . മൺമറഞ്ഞ് പോയ ഒരുപിടി താരങ്ങളെ വീണ്ടും ബിഗ് സ്ക്രീനിൽ കാണായതിന്റെ സന്തോഷവും പ്രേക്ഷകർ പങ്കുവയ്ക്കുന്നു.

കേരളത്തിൽ 145 ലേറെ സ്കീനുകളിലാണ് ചിത്രം പ്രദർശിപ്പിക്കുന്നത് . കേരളത്തിന് പുറത്തും ചിത്രം റിലീസ് ചെയ്തിട്ടുണ്ട്. ഒരു കോടി മുതൽ മുടക്കിലാണ് ചിത്രം റീ മാസ്റ്ററിങ് ചെയ്തത് . പഴയ ചിത്രങ്ങളുടെ യഥാർത്ഥ പ്രിന്റുകൾ നശിച്ച് പോകുന്നതിനാൽ ക്വാളിറ്റി നഷ്ടപ്പെട്ട കോപ്പികൾ മാത്രമാണ് പല ചിത്രങ്ങൾക്കും അവശേഷിക്കുന്നത്. ഈ സാഹചര്യത്തിലാണ് ഒരു തലമുറയെ ത്രസിപ്പിച്ച സ്ഫടികം, സംരക്ഷിക്കുന്നതിന്റെ ഭാഗമായി റീമാസ്റ്ററിങ് ചെയ്തത്