തെന്നിന്ത്യയിൽ ഏറ്റവും കൂടുതൽ ആരാധകരുള്ള ദളപതി വിജയ് യുടെ ജന്മദിനമാണ് നാളെ. ഒരാഴ്ചയിലേറെയായി ആരാധകരും ആഘോഷത്തിലാണ്. ഇതിനൊപ്പമാണ് ഈ ജന്മദിനത്തിൽ മറ്റൊരു നേട്ടം കൂടി ദളപതിയെ തേടിയെത്തിയിരിക്കുന്നത്. ധനുഷ്, മാധവന്‍, സംഗീതജ്ഞന്‍ ഇളയരാജ എന്നിവർക്ക് പിന്നാലെ ന്യൂയോര്‍ക്കിലെ ടൈംസ് സ്‌ക്വയര്‍ ബില്‍ ബോര്‍ഡില്‍ പ്രത്യക്ഷപ്പെടുന്ന തെന്നിന്ത്യൻ താരമെന്ന റെക്കോർഡ് ഇനി വിജയ്ക്ക് സ്വന്തം. ജന്മദിനത്തോട് അനുബന്ധിച്ചാണ് വിജയ് യുടെ സ്മാഷ് അപ്പ് വീഡിയോ ആദ്യമായി ടൈംസ് സ്‌ക്വയര്‍ ബില്‍ ബോര്‍ഡില്‍ പ്രദർശിപ്പിച്ചത്
താരത്തിന് ലഭിച്ച ആദരത്തിൽ വിജയിയുടെ ആരാധകരും ആവേശത്തിലാണ്. ആരാധകര്‍ ഏറെ ആവേശത്തോടെ കാത്തിരിക്കുന്ന ലിയോയിലെ ആദ്യ ലിറിക്കൽ വീഡിയോയും ജന്മദിനത്തിൽ പുറത്ത് വിടും.
ഒക്ടോബര്‍ 19 ന് ലോകമെമ്പാടും ലിയോ തിയേറ്ററുകളില്‍ എത്തും
സംവിധായകന്‍ ലോകേഷ് കനകരാജ് തന്നെയാണ് ഇക്കാര്യം പുറത്ത് വിട്ടത്. അപ്‌ഡേറ്റ് പ്രഖ്യാപിക്കുന്ന ഫേസ്ബുക്ക് പോസ്റ്റിന് മുമ്പായി ലോകേഷ് 'റെഡിയാ?' എന്ന് ട്വീറ്റ് ചെയ്തതും വൈറലായിരുന്നു. കൃത്യം ഒരു മണിക്കൂറിന് ശേഷം റെഡിയാണെന്ന മറുപടിയുമായി വിജയ് യും എത്തി. സെവന്‍ സ്‌ക്രീന്‍ സ്റ്റുഡിയോ, ദി റൂട്ട് എന്നിവയുടെ ബാനറുകളില്‍ ലളിത് കുമാറും ജഗദീഷ് പളനിസാമിയും ചേര്‍ന്നാണ് 'ലിയോ' നിര്‍മിക്കുന്നത്. തൃഷ, സഞ്ജയ് ദത്ത്, അര്‍ജുന്‍ സര്‍ജ, ഗൗതം മേനോന്‍, മിഷ്‌കിന്‍, മാത്യു തോമസ്, മന്‍സൂര്‍ അലി ഖാന്‍, പ്രിയ ആനന്ദ്, സാന്‍ഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങി നിരവധി താരങ്ങളാണ് ചിത്രത്തില്‍ അണിനിരക്കുന്നത്. ഒക്ടോബര്‍ 19 ന് ലോകമെമ്പാടും ലിയോ തിയേറ്ററുകളില്‍ എത്തും.