ENTERTAINMENT

'ഹൗസ് ഓഫ് ദ ഡ്രാഗണി'ന് നാലാം സീസണോടെ അവസാനം; മൂന്നാം സീസണിന്റെ ഷൂട്ടിങ്‌ അടുത്ത വർഷത്തോടെ ആരംഭിക്കും

രേഖ അഭിലാഷ്

ലോകമെമ്പാടും ജനശ്രദ്ധ നേടിയ ടെലിവിഷൻ സീരീസായ 'ഹൗസ് ഓഫ് ദ ഡ്രാഗൺ' നാലാം സീസണോട് കൂടി അവസാനിക്കുമെന്ന് നിർമാതാക്കൾ അറിയിച്ചു. സീരിസിന്റെ രണ്ടാം സീസണിന്റെ അവസാന എപ്പിസോഡിനെ പറ്റിയുള്ള ചർച്ചയ്ക്കിടയിൽ ഇതിന്റെ സഹ നിർമാതാവായ റയാൻ കോണ്ടലാണ് വിവരം പുറത്തുവിട്ടത്. ജനപ്രിയ ഷോയായ 'ഗെയിം ഓഫ് ത്രോൺസി'ന്റെ പ്രീക്വൽ എന്ന നിലയിലാണ് 'ഹൗസ് ഓഫ് ദ ഡ്രാഗൺ' 2022ൽ സംപ്രേഷണം ചെയ്തു തുടങ്ങിയത്. എച്ബിഓ മാക്‌സാണ് സീരിസിന്റെ നിലവിലെ സംപ്രേഷകർ.

'ഗെയിം ഓഫ് ത്രോൺസി'ൻ്റെ കഥയ്ക്ക് പശ്ചാത്തലമായ സംഭവങ്ങൾ നടക്കുന്നതിനും ഏകദേശം 200 വർഷം മുൻപുള്ള കാര്യങ്ങളാണ് 'ഹൗസ് ഓഫ് ദ ഡ്രാഗണി'ന്റെ പശ്ചാത്തലം. ഓഗസ്റ്റ് 4നാണ് ഇതിന്റ രണ്ടാം ഭാഗത്തിന്റെ അവസാന എപ്പിസോഡ് സംപ്രേഷണം ചെയ്തത്. ഷോയുടെ മൂന്നാം സീസൺ നിലവിൽ രചനാ ഘട്ടത്തിലാണെന്നും അത് ഹിറ്റാകുമെന്നും റയാൻ കോണ്ടൽ അഭിപ്രായപ്പെട്ടു. എന്നാൽ രണ്ടാം സീസണിന് സമാനമായ രീതിയിൽ 8 എപ്പിസോഡുകൾ തന്നെയാണോ മൂന്നാം സീസണിൽ ഉണ്ടാകുക എന്നത് ഉറപ്പിച്ച് പറയാൻ കഴിയില്ലെന്ന് അദ്ദേഹം കൂട്ടിച്ചേർത്തു. 2025ന്റെ തുടക്കത്തോട് കൂടി മൂന്നാം ഭാഗത്തിന്റെ ഷൂട്ടിങ് ആരംഭിക്കാൻ കഴിയുമെന്നാണ് നിർമ്മാതാക്കൾ കണക്ക് കൂട്ടുന്നത്.

സംപ്രേഷണം ചെയ്യുന്നതിന് മുൻപ് തന്നെ'ഹൗസ് ഓഫ് ദ ഡ്രാഗണി'ന്റെ രണ്ടാം സീസണിന്റെ അവസാന എപ്പിസോഡ് ചോർന്നതായി ആരോപണങ്ങൾ ഉയർന്നിരുന്നു. എപ്പിസോഡുമായി ബന്ധപ്പെട്ട വിവരങ്ങൾ സമൂഹമാധ്യമങ്ങൾ വഴി പുറത്തായതാണ് അഭ്യൂഹങ്ങൾക്ക് കാരണം. എന്നാൽ ഇത്തരം ആരോപണങ്ങളോട് ഔദ്യോഗികമായി പ്രതികരിക്കാൻ നിർമാതാക്കൾ ഇതുവരെ തയ്യാറായിട്ടില്ല.

ലബനന് നേര്‍ക്ക് വീണ്ടും ഇസ്രയേല്‍ വ്യോമാക്രമണം; സംഭവം ഹിസബുള്ള നേതാവ് ഹസന്‍ നസ്‌റള്ളയുടെ അഭിസംബോധനയ്ക്കിടെ

നിപയില്‍ ആശ്വാസം; ഒരാളുടെ പരിശോധനാ ഫലം കൂടി നെഗറ്റീവ്, സമ്പര്‍ക്ക പട്ടികയില്‍ 268 പേര്‍

എംപോക്‌സ് കേരളത്തിലും എത്തുമ്പോള്‍?

വിമാനങ്ങളില്‍ വിലക്ക്, 'സംശയമുള്ള' പേജറുകള്‍ എല്ലാം പൊട്ടിച്ചുകളയുന്നു; ഇലക്‌ട്രോണിക് ആക്രമണ ഭീതിയില്‍ ലെബനനും ഹിസ്ബുള്ളയും

അതിഷി മന്ത്രിസഭയില്‍ ഏഴു മന്ത്രിമാര്‍; മുകേഷ് അഹ്ലാവത് പുതുമുഖം