ജീവിതത്തിലെ സംഘർഷങ്ങളെ അടയാളപ്പെടുത്തുന്നതാണ് തന്റെ പുതിയ ചിത്രമായ വഴക്കെന്ന് സംവിധായകൻ സനൽ കുമാർ ശശിധരൻ. ജീവിമാകുന്ന നാടകത്തിൽ എല്ലാ മനുഷ്യർക്കും ഓരോ റോളുണ്ടെന്നും അതിൽ അവരവരുടെ റോൾ അഭിനയിക്കുകയാണ് മനുഷ്യർ ചെയ്യുന്നതെന്നും അദ്ദേഹം പറഞ്ഞു. മനുഷ്യന്റെ ആത്മ സംഘർഷങ്ങള്‍ തന്റെ എല്ലാ സിനിമകളിലും കാണാൻ കഴിയുമെന്നും അതിന്റെ തുടർച്ചയാണ് വഴക്കിലും ഉള്ളതെന്ന് സനല്‍ പറഞ്ഞു

27-ാമത് രാജ്യാന്തര ചലച്ചിത്ര മേളയിൽ പ്രദർശനത്തിനെത്തിയ വഴക്കിന് ഇതിനോടകം വലിയ രീതിയിലുളള പ്രേക്ഷക പ്രശംസ പിടിച്ചുപറ്റി. ടൊവീനോ തോമസ് കേന്ദ്രകഥാപാത്രമായി എത്തുന്ന ചിത്രത്തിൽ അസീസ് നെടുമങ്ങാട്, കനി കുസൃതി, സുദേവ് നായർ എന്നിവരും പ്രധാന വേഷങ്ങളിലുണ്ട്.