ENTERTAINMENT

മഞ്ഞുമ്മല്‍ ബോയ്‌സിനെതിരേ ഇളയരാജ; 'കണ്‍മണി'ക്ക് പകര്‍പ്പകവാശമില്ലെന്ന് ആരോപണം

മലയാള സിനമാ ചരിത്രത്തിലെ എക്കാലത്തെയും വലിയ പണംവാരി ചിത്രമാണ് 'മഞ്ഞുമ്മല്‍ ബോയ്‌സ്'

വെബ് ഡെസ്ക്

മലയാള ചലചിത്ര മേഖലയില്‍ വമ്പന്‍ ഹിറ്റായി മാറിയ 'മഞ്ഞുമ്മല്‍ ബോയ്‌സ്' സിനിമയ്‌ക്കെതിരേ നിയമയുദ്ധത്തിനൊരുങ്ങി വിഖ്യാത സംഗീത സംവിധായകന്‍ ഇളയരാജ. ചിത്രത്തില്‍ തന്റെ അനുമതി വാങ്ങാതെയാണ് 'കണ്‍മണി അന്‍പോട്' എന്ന ഗാനം ഉള്‍പ്പെടുത്തിയതെന്നാണ് ആരോപണം.

മലയാള സിനമാ ചരിത്രത്തിലെ എക്കാലത്തെയും വലിയ പണംവാരി ചിത്രമാണ് 'മഞ്ഞുമ്മല്‍ ബോയ്‌സ്'. കമല്‍ഹാസന്‍ നായകനായി 1991-ല്‍ പുറത്തിറങ്ങിയ 'ഗുണ' എന്ന തമിഴ് ചിത്രത്തിലെ ഹൃദയഹാരിയായ 'കണ്‍മണി അന്‍പോട്' എന്ന ഗാനം മഞ്ഞുമ്മല്‍ ബോയ്‌സില്‍ ശ്രദ്ധേയമായ രീതിയില്‍ ഉപയോഗിച്ചിട്ടുണ്ട്.

എന്നാല്‍ തന്റെ അനുമതി തേടാതെയാണ് ഗാനം ഉപയോഗിച്ചതെന്നും ടൈറ്റില്‍ കാര്‍ഡില്‍ കടപ്പാട് വച്ചതുകൊണ്ടുമാത്രം കാര്യമില്ലെന്നും, ചൂണ്ടിക്കാട്ടിയാണ് ഇളയരാജ മഞ്ഞുമ്മല്‍ ബോയ്‌സിന്റെ നിര്‍മാതാക്കള്‍ക്ക് വക്കീല്‍ നോട്ടീസ് അയച്ചത്. 15 ദിവസത്തിനകം മറുപടി നല്‍കണമെന്നാണ് നോട്ടീസില്‍ ആവശ്യപ്പെട്ടിരിക്കുന്നത്.

പകര്‍പ്പവകാശ നിയമം ലംഘിച്ചെന്നാണ് പ്രധാന ആരോപണം. ഗാനം ഉപയോഗിക്കുമ്പോള്‍ ഒന്നുകില്‍ അനുമതി തേടണമായിരുന്നുവെന്നും അല്ലെങ്കില്‍ ഉപയോഗിക്കാന്‍ പാടില്ലായിരുന്നുവെന്നും നോട്ടീസില്‍ ഇളയരാജ പറയുന്നു. ഉചിതമായ നഷ്ടപരിഹാരം നല്‍കിയില്ലെങ്കില്‍ നിയമത്തിന്റെ വഴി സ്വീകരിക്കുമെന്നും നോട്ടീസില്‍ പറയുന്നു.

പെര്‍ത്തില്‍ പിഴച്ച് ഇന്ത്യ; ആദ്യ ഇന്നിങ്ങ്‌സില്‍ 150ന് പുറത്ത്, രണ്ടക്കം കടന്നത് നാലു ബാറ്റർമാര്‍ മാത്രം

രാജിവയ്‌ക്കേണ്ട; പാര്‍ട്ടി സജി ചെറിയാന് ഒപ്പം, തീരുമാനം സിപിഎം സംസ്ഥാന സെക്രട്ടേറിയറ്റില്‍

'നിജ്ജാര്‍ കൊലപാതകത്തെപ്പറ്റി പ്രധാനമന്ത്രി നരേന്ദ്ര മോദിക്ക് അറിവില്ല; എല്ലാം ഊഹാപോഹം മാത്രം', മാധ്യമ റിപ്പോര്‍ട്ടുകള്‍ തള്ളി കനേഡിയന്‍ സര്‍ക്കാര്‍

'സര്‍ക്കാര്‍ വേണ്ടത്ര പിന്തുണയ്ക്കുന്നില്ല'; മുകേഷ് അടക്കം നടന്‍മാര്‍ക്കെതിരെ നല്‍കിയ പീഡനപരാതി പിന്‍വലിക്കുന്നെന്ന് നടി

പെര്‍ത്തില്‍ പരിതാപകരം; ടോസ് ലഭിച്ചിട്ടും ബാറ്റിങ് തിരഞ്ഞെടുത്ത ഇന്ത്യ തകര്‍ന്നു, അമ്പതു കടക്കും മുന്‍പ് നാലു വിക്കറ്റുകള്‍ നഷ്ടം