മാളികപ്പുറം, 2018 എന്നീ ചിത്രങ്ങൾക്ക് ശേഷം കാവ്യ ഫിലിം കമ്പനിയും ആൻ മെഗാ മീഡിയയും ചേർന്നു നിർമിക്കുന്ന പുതിയ ചിത്രം 'ആനന്ദ് ശ്രീബാല' ചിത്രീകരണം ആരംഭിച്ചു. മാളികപ്പുറത്തിന് ശേഷം അഭിലാഷ് പിള്ള തിരക്കഥ എഴുതുന്ന ചിത്രം സംവിധാനം ചെയ്യുന്നത് സംവിധായകൻ വിനയന്റെ മകനും സിനിമാതാരവുമായ വിഷ്ണു വിനയ് ആണ്.
ചോറ്റാനിക്കര അമ്പലത്തിൽ നടന്ന പൂജാ ചടങ്ങിൽ സംവിധായകൻ വിനയൻ ചിത്രത്തിന്റെ ആദ്യ ഷോട്ട് എടുത്തു. പ്രിയ വേണു, നീറ്റാ പിന്റോ, വേണു കുന്നപ്പിള്ളി, ആന്റോ ജോസഫ് എന്നിവരാണ് ചിത്രം നിർമിക്കുന്നത്.
അർജുൻ അശോകൻ, സൈജു കുറുപ്പ്, സിദ്ദിഖ്, അപർണ ദാസ്, ധ്യാൻ ശ്രീനിവാസൻ, അജു വർഗീസ്, ആശ ശരത്, ഇന്ദ്രൻസ്, മനോജ് കെ യു, മാളവിക മനോജ് എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.
രഞ്ജിൻ രാജാണ് ചിത്രത്തിന് സംഗീതം ഒരുക്കുന്നത്. ചന്ദ്രകാന്ത് മാധവൻ ആണ് ഛായാഗ്രഹണം. കിരൺ ദാസാണ് എഡിറ്റർ. ഗോപകുമാർ ജി കെ,സുനിൽ സിങ്, ജസ്റ്റിൻ ബോബൻ എന്നിവരാണ് പ്രൊഡക്ഷൻ ഡിപ്പാർട്‌മെന്റ് കൈകാര്യം ചെയ്യുന്നത്.
ആർട്ട് ഡയറക്ടർ - സാബു റാം, സൗണ്ട് ഡിസൈൻ - രാജാകൃഷ്ണൻ എം ആർ, കോസ്റ്റ്യൂം ഡിസൈനെർ - സമീറ സനീഷ്, മേക്ക് അപ് - റഹീം കൊടുങ്ങല്ലൂർ, അസോസിയേറ്റ് ഡയറക്ടർ - ബിനു ജി നായർ, പി ആർ ആൻഡ് മാർക്കറ്റിങ് - വൈശാഖ് സി വടക്കേവീട്, ജിനു അനിൽകുമാർ, ഡിസൈൻ - ഓൾഡ് മങ്ക് ഡിസൈൻ