ഹെലൻ എന്ന മലയാള ചിത്രത്തിന്റെ ഹിന്ദി റീമേക്ക് മിലിയുടെ ടീസർ പുറത്ത് . ശ്രീദേവിയുടെ മകൾ ജാൻവി കപൂറാണ് ചിത്രത്തിലെ നായിക. ബോണി കപൂറും സീ സ്റ്റുഡിയോസും ചേർന്നാണ് ചിത്രത്തിന്റെ നിര്‍മാണം. മലയാളത്തിൽ ചിത്രം സംവിധാനം ചെയ്ത് മാത്തുക്കുട്ടി സേവ്യർ തന്നെയാണ് ഹിന്ദിയിലും ചിത്രം ഒരുക്കുന്നത്
2019 ൽ പുറത്തിറങ്ങിയ ഹെലനിലെ അഭിനയത്തിന് അന്നാ ബെന്നിന് ആ വർഷത്തെ സംസ്ഥാന ചലച്ചിത്ര പുരസ്കാരം നേടി കൊടുത്തിരുന്നു, പ്രത്യേക ജൂറി പുരസ്കാരമാണ് അന്നാ ബെന്നിനെ തേടിയെത്തിയത് . റസ്റ്ററൻഡ് ജീവനക്കാരിയായ ഹെലൻ അബദ്ധത്തിൽ ഷോപ്പിലെ കോൾഡ് സ്റ്റോറേജിൽ അകപ്പെട്ടു പോകുന്നതായിരുന്നു ചിത്രത്തിന്റെ പശ്ചാത്തലം.
ചിത്രം നേരത്തെ തമിഴിലേക്കും റീമേക്ക് ചെയ്തിരുന്നു. തമിഴിൽ കീർത്തി പാണ്ഡ്യനായിരുന്നു നായിക. മലയാളത്തിൽ അന്നാ ബെൻ അനശ്വരമാക്കിയ കഥാപാത്രത്തെ ജാൻവി കപൂർ എങ്ങനെ അവതരിപ്പിക്കുമെന്ന് കാണാൻ കാത്തിരിക്കുകയാണ് ആരാധാകർ