പൊന്നിയിൻ സെൽവൻ ഒന്നാം ഭാഗത്തിന്റെ കോടി കിലുക്കത്തിന് പിന്നാലെ രണ്ടാംഭാഗത്തിന്റെ റിലീസ് തീയതി പ്രഖ്യാപിച്ച് നിർമാതാക്കൾ. ചിത്രം അടുത്ത ഏപ്രിൽ 28 ന് തീയേറ്ററുകളിലെത്തുമെന്നാണ് ലൈക്ക പ്രൊഡക്ഷൻസിന്റെ പ്രഖ്യാപനം .കാർത്തി

ആദ്യഭാഗം പോലെ തന്നെ രണ്ടാംഭാഗവും തമിഴ് , തെലുങ്ക് , മലയാളം , കന്നഡ, ഹിന്ദി എന്നീ അഞ്ച് ഭാഷകളിലാണ് എത്തുക. ആദ്യഭാഗത്തിന് ആഗോളതലത്തിൽ 500 കോടിയിലേറെ രൂപയാണ് ലഭിച്ചതെങ്കിൽ അതിലും വലിയ വിജയം പ്രതീക്ഷിച്ചാണ് രണ്ടാംഭാഗമെത്തുന്നത് . ഐശ്വര്യ റായ്, വിക്രം , കാർത്തി , ജയറാം ,തൃഷ, ജയം രവി തുടങ്ങിയ വൻ താരനിര രണ്ടാംഭാഗത്തിലുമുണ്ടാകും

ഒന്നാം ഭാഗം കഴിഞ്ഞ സെപ്റ്റംബർ 30 നാണ് തീയേറ്ററുകളിലെത്തിയത് . ഏറ്റവും വേഗത്തിൽ തമിഴ്നാട്ടിൽ 100 കോടി ക്ലബിൽ ഇടം പിടിച്ച ചിത്രം കൂടിയാണ് പൊന്നിയിൻ സെൽവൻ 1 .

കൽക്കി കൃഷ്ണമൂർത്തിയുടെ നോവലിനെ അടിസ്ഥാനപ്പെടുത്തി മണിരത്നം ഒരുക്കിയ ഒന്നാം ഭാഗത്തിന് വലിയ പ്രേക്ഷക സ്വീകാര്യതയാണ് ലഭിച്ചത്. ഒന്നാം ഭാഗത്തിന് ലഭിച്ച അതേ സ്വീകാര്യത രണ്ടാംഭാഗത്തിനും ലഭിക്കുമെന്ന പ്രതീക്ഷയിലാണ് ലൈക്ക പ്രൊഡക്ഷൻസും അണിയറ പ്രവർത്തകരും.