ഷെയ്ൻ നിഗത്തിന്റെ സമീപകാല ചിത്രങ്ങളിൽ ഏറ്റവും വലിയ ബഡ്ജറ്റിൽ ഒരുങ്ങുന്ന ചിത്രം മെയ് ആദ്യവാരം കോഴിക്കോട് ഷൂട്ടിംഗ് തുടങ്ങും. കോഴിക്കോട്, മൈസൂർ, ജോർദ്ദാൻ തുടങ്ങിയ ലൊക്കേഷനുകളിലാണ് ഹാലിന്റെ ചിത്രീകരണം പ്ലാൻ ചെയ്തിരിക്കുന്നത്. തമിഴ് ചിത്രമായ മദ്രാസ്‌ക്കാരൻ പൂർത്തിയാക്കി മെയ് ആദ്യവാരത്തോടെ ഷെയ്ൻ നിഗം ചിത്രത്തിൽ ജോയിൻ ചെയ്യും.
ആർഡിഎക്‌സിന്റെ ഗംഭീര വിജയത്തിന് ശേഷം പാൻ ഇന്ത്യൻ ചിത്രവുമായി ഷെയ്ൻ നിഗം. ജെവിജെ പ്രൊഡക്ഷൻസിന്റെ ബാനറിൽ പ്രശാന്ത് വിജയകുമാർ സംവിധാനം ചെയ്യുന്ന 'ഹാൽ' ആണ് ഷെയ്ൻ നിഗത്തിന്റെതായി ഒരുങ്ങുന്നത്.
ഓർഡിനറി, മധുര നാരങ്ങ, തോപ്പിൽ ജോപ്പൻ, ശിക്കാരി ശംഭു എന്നീ ചിത്രങ്ങൾക്ക് ശേഷം നിഷാദ് കോയ രചന നിർവഹിക്കുന്ന ഹാൽ സംഗീതത്തിന് പ്രാധാന്യം നൽകി ഒരുക്കുന്ന ഒരു പ്രണയകഥയാണ്. നന്ദുവാണ് ചിത്രത്തിന് സംഗീതം പകരുന്നത്.
ഹിന്ദി, തെലുങ്ക്, തമിഴ്, കന്നഡ ഭാഷകളിൽ ഒരേ സമയം റിലീസ് പ്ലാൻ ചെയ്യുന്ന ചിത്രം ഒരു കംപ്ലീറ്റ് എന്റർടെയ്‌നർ ആയാണ് അണിയറപ്രവർത്തകർ ഒരുക്കുന്നത്. ക്യാമറ: കാർത്തിക് മുത്തുകുമാർ, സംഗീതം നന്ദു.