തിരിച്ചൊന്നും പ്രതീക്ഷിക്കാതെ കല സേവനമാക്കുന്ന കലാകാരൻ. പണമില്ലാത്തതിന്റെ പേരിൽ ഒരു കലാകാരനും വേദികൾ നഷ്ടമാകരുതെന്ന ലക്ഷ്യത്തോടെ വീട് തന്നെ ഒരു സംഗീത നാട്യ സഭയാക്കിമാറ്റിയിരിക്കുകയാണ് ഉണ്ണികൃഷ്ണൻ. എംബിഎ ബിരുദധാരിയായും മാർക്കറ്റിംഗ് മേഖലയിൽ ജോലി ചെയ്ക്കുകയുമാണ് ഉണ്ണി. എന്നാൽ സംഗീതവും നൃത്തവും എന്നും കൂടെ ചേർത്തുപിടിച്ച ആളാണ് അദ്ദേഹം. വർഷങ്ങൾക്ക് മുൻപ് തന്നെ ഉണ്ണി തന്റെ വീട്ടിൽ കലാപഠനം നടത്തുന്ന വിദ്യാർഥികൾക്ക് താമസവും പരിശീലനത്തിനുള്ള സൗകര്യവും നൽകി വരുന്നുണ്ട്.കോവിഡ് കാലത്താണ് സ്വന്തം വീട് ലളിതംബിക സംഗീത നാട്യ കൂട്ടമാക്കി മറ്റുന്നത്.