തമിഴകത്ത് സമാനതകളില്ലാത്ത ഫാൻസ് ഫെസ്റ്റിവലൊരുക്കി ഒരേ ദിവസം റിലീസ് ചെയ്ത ചിത്രങ്ങൾ ഒടിടിയിലേക്ക് . ഇരു ചിത്രങ്ങളും പൊങ്കൽ റിലീസായി ജനുവരി 11 നാണ് തീയേറ്ററുകളിലെത്തിയത്. ഇപ്പോൾ ഇതാ ഇരു ചിത്രങ്ങളും രണ്ടുദിവസത്തെ വ്യത്യാസത്തിൽ ഒടിടിയിലേക്കും എത്തുകയാണ് .

റിലീസ് ദിവസത്തിൽ ആദ്യമെത്തിയത് തുനിവായിരുന്നു. ഒടിടിയിലും ആദ്യമെത്തുക അജിത്ത് ചിത്രം തന്നെയാണ് . നെറ്റ്ഫ്ലിക്സിൽ ഫെബ്രുവരി 8 നാണ് റിലീസ് . എച്ച് വിനോദ് സംവിധാനം ചെയ്ത ചിത്രത്തിൽ മഞ്ജു വാര്യരാണ് നായിക. ചിത്രത്തിന്റെ ഒടിടി അവകാശം 65 കോടി രൂപയ്ക്കാണ് നെറ്റ്ഫ്ലിക്സ് സ്വന്തമാക്കിയത്

വിജയ് ചിത്രം വാരിസ് ഫെബ്രുവരി 22 ന് ആമസോണിലെത്തുമെന്നാണ് സൂചന. വംശി പൈഡപ്പിള്ളി സംവിധാനം ചെയ്ത ചിത്രത്തിന്റെ ഒടിടി അവകാശം പ്രൈം സ്വന്തമാക്കിയത് 75 കോടി രൂപയ്ക്കാണ്

രശ്മിക മന്ദാനയാണ് നായിക. പ്രകാശ് രാജ്, ശരത് കുമാർ , ഷാം തുടങ്ങി വൻ താരനിരയാണ് ചിത്രത്തിലുള്ളത്. ഫാമിലി എന്റർടെയ്നറായെത്തിയ ചിത്രത്തെ കുറിച്ച് പ്രേക്ഷകർക്ക് സമ്മിശ്ര പ്രതികരണമായിരുന്നെങ്കിലും ബോക്സ് ഓഫീസിൽ 300 കോടി കളക്ഷനുമായി തീയേറ്ററിൽ പ്രദർശനം തുടരുകയാണ്