വിജയ് ദേവരെകൊണ്ട നായകനാകുന്ന ലൈഗറിന്റെ ഫസ്റ്റ് ലുക്ക് പോസ്റ്റര്‍ പുറത്ത്. സാല ക്രോസ് ബ്രീഡ് എന്ന വാചകത്തോടെ കൈയില്‍ റോസാപൂക്കളുമായി പൂര്‍ണ നഗ്നായി നില്‍ക്കുന്ന താരത്തിന്റെ പോസ്റ്ററാണ് പുറത്തുവന്നത്. പോസ്റ്റര്‍ ഇതിനോടകം തന്നെ വൈറലായി കഴിഞ്ഞു
മാനസികമായും ശാരീരകമായും ഏറെ വെല്ലുവിളിയുണ്ടാക്കിയ ചിത്രമാണ് ലൈഗര്‍. സിനിമ ഉടന്‍ നിങ്ങളിലേക്കെത്തും : വിജയ് ദേവരെകൊണ്ട
സ്‌പോര്‍ട്‌സ് ആക്ഷന്‍ ജോണറിലുള്ള ചിത്രത്തില്‍ മിക്‌സഡ് മാര്‍ഷല്‍ ആര്‍ട്‌സ് താരമായാണ് ദേവരെകൊണ്ട എത്തുക.മിക്‌സഡ് മാര്‍ഷല്‍ ആര്‍ട്‌സ് താരമാകാനുള്ള ഒരു ചായക്കടക്കാരന്റെ അതിയായ ആഗ്രഹവും, ആഗ്രഹം നേടിയെടുക്കാനുള്ള അയാളുടെ കഠിനധ്വാനവുമാണ് ചിത്രത്തിന്റെ പ്രമേയം.
ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രത്തില്‍ നായികയായി എത്തുന്നത് അനന്യ പാണ്ഡേ ആണ്.ബോക്സിങ് ഇതിഹാസം മൈക്ക് ടൈസനും ചിത്രത്തില്‍ പ്രധാനവേഷത്തില്‍ എത്തുന്നുണ്ട്. രമ്യ കൃഷ്ണനാണ് ചിത്രത്തിലെ മറ്റൊരു താരം.
ദേവരെകൊണ്ടയുടെ ബോളിവുഡിലേക്കുള്ള ആദ്യ ചുവടുവെപ്പ് എന്ന പ്രത്യേകതയും ചിത്രത്തിനുണ്ട്. ഹിന്ദിയിലും തെലുങ്കിലുമായി ഒരുങ്ങുന്ന ചിത്രം, മലയാളം, കന്നഡ, തമിഴ് ഭാഷകളിലേക്ക് മൊഴിമാറ്റിയും പ്രദര്‍ശനത്തിനെത്തും. പുരി ജഗന്നാഥ് ആണ് ചിത്രം സംവിധാനം ചെയ്യുന്നത്. ഇരുവരും ആദ്യമായി ഒന്നിക്കുന്ന ചിത്രം കൂടിയാണിത്.
ക്ലൈമാക്‌സ് അടക്കമുള്ള ചില രംഗങ്ങള്‍ ചിത്രീകരിച്ചിരിക്കുന്നത് യുഎസിലാണ്. ബോളിവുഡ് സംവിധായകനും കരണ്‍ ജോഹറാണ നിര്‍മ്മാണം. ചിത്രം ഓഗസ്റ്റ് 25 ന് തീയേറ്ററുകളില്‍ എത്തും