ഇങ്ങനെ ഒരു ജഡ്ജി ഇതിന് മുമ്പ് സത്യപ്രതിജ്ഞ ചെയ്തിരിക്കാന്‍ ഇടയില്ല. സത്യപ്രതിജ്ഞയ്ക്ക് തൊട്ടുമുന്‍പ് സുപ്രീംകോടതിയില്‍നിന്ന് അനുകൂല വിധി. അങ്ങനെയാണ് വിക്ടോറിയ ഗൗരി മദ്രാസ് ഹൈക്കോടതി ജഡ്ജിയായി സത്യപ്രതിജ്ഞ ചെയ്തത്. മദ്രാസ് ഹൈക്കോടതിയില്‍ പ്രാക്ടീസ് ചെയ്യുന്ന അഭിഭാഷകരില്‍ ചിലരാണ് നിയമനത്തിനെതിരെ ഹൈക്കോടതിയെ സമീപിച്ചത്. വിക്ടോറിയ ഗൗരി ന്യൂനപക്ഷ സമുദായത്തിനെതിരെ മുന്‍വിധി പുലര്‍ത്തുന്ന വ്യക്തിയാണെന്നായിരുന്നു ആരോപണം.