കേരളത്തിലെ മുസ്ലിം പരിഷ്‌കര്‍ത്താക്കളില്‍ പ്രധാനിയായ ചേകന്നൂര്‍ മൗലവിയുടെ തിരോധാനത്തിന് മുപ്പത് വര്‍ഷം. ' ഖുര്‍ആനിലെ പിന്തുടര്‍ച്ചാവകാശ നിയമം; നിലവിലുള്ള ശരീഅത്തിന്റെ പൊളിച്ചെഴുത്തും' എന്ന ചേകന്നൂരിന്റെ ഗ്രന്ഥത്തിന്റെ ഇംഗ്ലീഷ് പരിഭാഷ ഒരുക്കിയിരിക്കുകയാണ് ഖുര്‍ ആന്‍ സുന്നത്ത് സൊസൈറ്റി ഫോര്‍വേഡ് ബ്ലോക്ക്.
ഇന്ത്യയില്‍ നിലവിലുള്ള മുസ്ലിം വ്യക്തിനിയമം ഖുര്‍ആനും മാനവികതയ്ക്കുമെതിരാണെന്നും ഏകസിവില്‍കോഡ് നടപ്പിലാക്കണമെന്നുമാണ് ഖുര്‍ആന്‍ സുന്നത്ത് സൊസൈറ്റി ആവശ്യപ്പെടുന്നത്. ചേകന്നൂരിന്റെ തിരോധാനത്തില്‍ പുനരന്വേഷണമാവശ്യപ്പെട്ട് രംഗത്ത് വരാനും ഖുര്‍ ആന്‍ സുന്നത്ത് സൊസൈറ്റി തീരുമാനിച്ചിട്ടുണ്ട്.