വയനാട് ജില്ലയിലെ കാവുംമന്ദം സ്വദേശിയും വൈത്തിരി സബ് ജയിലിൽ അസിസ്റ്റന്റ് പ്രിസൺ ഓഫീസറുമായ നിഷാദ് ചോലക്കൽ അടുത്തിടെ തന്റെ പുതിയ വീടിന്റെ പണി പൂർത്തിയാക്കി താമസം തുടങ്ങി. അഞ്ച് വർഷം കൊണ്ടാണ് പുതിയ വീടിന്റെ പണി പൂ‍ർത്തീകരിച്ച് ഗൃഹപ്രവേശം നടത്തിയത്. ഇതിലെന്താണിത്ര പുതുമ എന്ന് ചോദിക്കാൻ വരെട്ട. പുതുമ മാത്രമല്ല നിശ്ചയദാർഢ്യവും ആത്മവിശ്വാസവും കൈമുതലാക്കിയാണ് നിഷാദ് തന്റെ ‘സ്വന്തം വീട്’ പൂർത്തീകരിച്ചത്. വീടിന്റെ മെയിന്‍ വാർപ്പ് ഒഴികെ സകല ജോലികളും ആരുടെയും സഹായമില്ലാതെ ഒറ്റയ്ക്കാണ് നിഷാദ് പൂർത്തിയാക്കിയത്. 2500 ചതുരശ്ര അടി വിസ്തീർണം ഉള്ളതാണ് വീട്. ജോലി സമയം കഴിഞ്ഞുള്ള ഒഴിവ് സമയത്ത് വീടുണ്ടാക്കിയ കഥ കാണാം.