''യുഎപിഎ ചുമത്തിയ കേസ്, അതിനായുള്ള യാത്രകള്‍... നീണ്ട 13 വര്‍ഷം തന്റെ ജീവിതത്തെ മുഴുവനായും മാറ്റുകയായിരുന്നു. ഓരോ 15 ദിവസവും കുടകിലേക്കുള്ള യാത്ര. പിന്നീട് അത് മാസത്തിലൊരിക്കലായി. ആദ്യമൊക്കെ ഈ യാത്രകള്‍ ട്രോമയായിരുന്നു. എന്നാല്‍ പിന്നീട് ആ യാത്രകളെ ജോലിക്കായി ഉപയോഗപ്പെടുത്താന്‍ തുടങ്ങി. ഈ കേസ് ഒട്ടേറെ തിരിച്ചറിവുകളുടെ പുതിയ ഒരു ലോകമാണ് തുറന്നുതന്നത്,'' ഇന്റര്‍നാഷണല്‍ പ്രസ് ഫ്രീഡം പുരസ്‌കാരം ലഭിച്ച ആദ്യ മലയാളിയും ഔട്ട്‌ലുക്ക് സീനിയര്‍ എഡിറ്ററുമായ കെ കെ ഷാഹിന തന്റെ അനുഭവങ്ങള്‍ ദ ഫോര്‍ത്തിനോട് പങ്കുവച്ചു.
തനിക്കെതിരായ യുഎപിഎ കേസിനെക്കുറിച്ചും അതുണ്ടാക്കിയ പ്രശ്‌നങ്ങള്‍ നേരിട്ട് ജീവിതം മുന്നോട്ടുകൊണ്ടുപോയതിനെക്കുറിച്ചും പുരസ്‌കാര ലബ്ധിയെക്കുറിച്ചും സംസാരിക്കുകയാണ് കെ കെ ഷാഹിന.