ക്രിക്കറ്റില്‍ മികച്ച പ്രകടനം കാഴ്ച്ചവയ്ക്കുന്ന മലയാളി വനിതാ താരങ്ങള്‍ കായിക കേരളത്തിന് പുത്തന്‍ പ്രതീക്ഷകളേകുന്നു. ഐപിഎല്‍ ടീമില്‍ ഇടംപിടിച്ച വയനാട് നിന്നുള്ള മിന്നു മണിയും, അണ്ടര്‍ 19 വനിത ട്വന്റി 20 ലോകകപ്പ് ടീമിലിടം നേടിയ നജ്‌ലയും തങ്ങളുടെ കായിക സ്വപ്‌നങ്ങള്‍ ദ ഫോര്‍ത്തിനോട് പങ്കുവയ്ക്കുന്നു.
മാനന്തവാടി ചോയിമൂലയില്‍ നിന്നും ഡല്‍ഹി ക്യാപിറ്റല്‍സിനായി ഐപിഎല്ലിലേക്ക് തിരഞ്ഞെടുക്കപ്പെട്ട മിന്നു മണി അവിടെയെത്താന്‍ നടന്നുതീര്‍ത്ത വഴികള്‍ എളുപ്പമുള്ളതായിരുന്നില്ല. കുറിച്യ വിഭാഗത്തില്‍ നിന്നെത്തിയാണ് മിന്നു മണി മിന്നും താരമായതെങ്കില്‍ മലപ്പുറം തിരൂരിലെ ഒരു സാധാരണ മുസ്ലീം കുടുംബത്തില്‍ നിന്നാണ് നജ്‌ല സി എം സി ഇന്ത്യന്‍ ടീമിലേക്ക് നടന്ന് കയറിയത്.