രാജ്യം 74-ാം റിപ്പബ്ലിക് ആഘോഷിക്കുമ്പോള് നൂറാം പിറന്നാളാഘോഷിക്കുന്ന സോഷ്യോ വാസുവേട്ടന്റെ ഓര്മകള്ക്ക് ഇപ്പോഴും പത്തൊന്പതുകാരന്റെ തെളിമയുണ്ട്. 1942ല് ക്വിറ്റ് ഇന്ത്യാ സമരത്തിന്റെ ഭാഗമായി കോഴിക്കോട് കുണ്ടായിത്തോട് മുതല് ചെറുവണ്ണൂര് വരെ ജാഥ നയിച്ചതിന്റെ പേരില് പോലീസ് അറസ്റ്റ് ചെയ്തതും ജയില് ശിക്ഷ അനുഭവിച്ചതുമെല്ലാം ഇന്നലെ നടന്ന പോലെ വാസുവേട്ടന് പറയുന്നു.