''ആരെയും ബുദ്ധിമുട്ടിക്കാതെ ഒരു തൊഴില്‍ ചെയ്ത് ജീവിക്കണം.'' വേമ്പനാട്ട് കായലില്‍ നേരം പുലരും മുമ്പെ കക്കവാരാനിറങ്ങുന്ന ശിവദാസന് കാഴ്ചശക്തിയില്ല. കക്കവാരലിന് കാഴ്ച ഒരു തടസ്സമാവാറില്ല ഇദ്ദേഹത്തിന്. വേമ്പനാട് കായലിന്റെ ആഴങ്ങളിലേക്ക് കുട്ടയുമായി മുങ്ങുമ്പോള്‍ കൂട്ടായി വഞ്ചിത്തുമ്പത്ത് ഭാര്യ രാജേശ്വരിയുമുണ്ടാവും. 35 വര്‍ഷമായി കക്കവാരല്‍ തുടരുന്ന ശിവദാസന് 27 വര്‍ഷമായി രാജേശ്വരിയും കൂട്ടുണ്ട്. ദിക്ക് കാട്ടിയും കായലിലൂടെ വഴി തെളിച്ചും സഹധർമ്മിണി ഒപ്പമുള്ളപ്പോള്‍ പിന്നെ ഈ തൊഴില്‍ തനിക്ക് അനായാസമെന്ന് ശിവദാസന്‍പറയുന്നു.