പരിമിതികൾക്കിടയിലും സാധ്യതകളുടെ വിശാലമായ പാതയിലൂടെ വണ്ടിയോടിച്ച് മുന്നേറുകയാണ് തിരുവനന്തപുരം സ്വദേശി നിഷാൻ. അപ്രതീക്ഷിതമായി ഉണ്ടായ ഒരു വാഹനാപകടമാണ് നിഷാന്റെ ജീവിതം ആകെ മാറ്റി മറിച്ചത്. അപകടത്തിൽ നിഷാന്റെ സ്പൈനൽ കോഡിന് ഗുരുതരമായി പരുക്കേറ്റു . പ്രത്യേക മോട്ടോർ ഘടിപ്പിച്ച വീൽചെയറാണ് പിന്നീട് ഒരു തിരിച്ചുവരവിന് സഹായിച്ചത് . ഐഐടി മദ്രാസ് നിർമ്മിച്ച ഈ പ്രത്യേക മോട്ടോർ വീൽ ചെയർ നിഷാന്റെ ജീവിതത്തിൽ വലിയ മാറ്റങ്ങളാണ് ഉണ്ടാക്കിയത്.