സുല്‍ത്താന്‍ ബത്തേരി നൂല്‍പുഴ ഗ്രാമപഞ്ചായത്തിലെ തേര്‍വയല്‍ കോളനിയിലെ പ്രകൃതി എന്‍ വി, പണിയ വിഭാഗത്തില്‍ നിന്നുള്ള ആദ്യ ട്രാന്‍സ് വുമണാണ് താനെന്ന് അവകാശപ്പെടുന്നു. പുല്‍പ്പള്ളി വേല്യമ്പം പെരുമുണ്ട കോളനിയിലെ പ്ലസ് ടു വിദ്യാർഥിനി ദേവാമൃത പി വി, താനും ട്രാന്‍സ് വുമണാണെന്ന് 'ദ ഫോര്‍ത്തി'നോട് തുറന്ന് പറയുന്നു. ഇങ്ങനെയുള്ള മനുഷ്യരും ഈ ലോകത്ത് ജീവിക്കുന്നുണ്ടെന്ന് സ്വന്തം സമുദായത്തിനും ലോകത്തിനും മനസ്സിലാകാനായാണ് ഇരുവരുടേയും തുറന്നുപറച്ചിൽ.