കര്‍ണാടകയില്‍ ഒരു രാഷ്ട്രീയ പാര്‍ട്ടിയേയും പിന്തുണയ്ക്കാന്‍ തീരുമാനിച്ചിട്ടില്ലെന്ന് ജനതാദള്‍ സെക്കുലര്‍ നേതാവ് എച്ച് ഡി കുമാരസ്വാമി.
''എക്സിറ്റ് പോളുകള്‍ വിശ്വസിക്കുന്നില്ല. ആരുമായും ജെഡിഎസ് ഇതു വരെ ചര്‍ച്ച നടത്തിയിട്ടില്ല. ആരും ഞങ്ങളെ ബന്ധപ്പെട്ടിട്ടില്ല. മൂന്നു മണിക്കൂര്‍ കാത്തിരിക്കൂ. എന്ത് സംഭവിക്കുമെന്ന് നോക്കാം.'' - കുമാരസ്വാമി വ്യക്തമാക്കി.
''എക്സിറ്റ് പോളുകള്‍ ബിജെപിക്കും കോണ്‍ഗ്രസിനുമാണ് സാധ്യതകള്‍ പ്രവചിച്ചിരിക്കുന്നത്. ജെഡിഎസിന് 30-32 സീറ്റുകള്‍ വരെ മാത്രമെ ലഭിക്കൂ എന്നാണ് പ്രവചനം. ഞങ്ങളുടേത് ഒരു ചെറിയ പാര്‍ട്ടിയാണ്. യാതൊരു ഡിമാന്‍ഡും മുന്നോട്ട് വയ്ക്കുന്നില്ല. നല്ലത് സംഭവിക്കുമെന്ന് വിശ്വസിക്കുന്നു'' - കുമാരസ്വാമി വ്യക്തമാക്കി.
സിംഗപ്പൂരിൽ നിന്നും ഇന്ന് പുലർച്ചെയോടെയാണ് കുമാരസ്വാമി ബംഗ്ലൂരുവിലെത്തിയത്. ഏഴ് മണിയോടെ അദ്ദേഹം പിതാവ് എച്ച് ഡി ദേവഗൗഡയെ സന്ദർശിക്കുന്നതിനായി വസതിയിലേക്ക് പോയി.