കോണ്‍ഗ്രസ് അധ്യക്ഷ തിരഞ്ഞെടുപ്പില്‍ മത്സരസാധ്യത തള്ളാതെ ശശി തരൂർ എംപി. മത്സരിക്കുന്നുണ്ടോ ഇല്ലയോ എന്ന് ഇപ്പോള്‍ പറയുന്നില്ലെന്നും ജനാധിപത്യ പാർട്ടിയില്‍ തിരഞ്ഞെടുപ്പ് നല്ലതാണെന്നും തരൂർ മാധ്യമങ്ങളോട് പറഞ്ഞു. ഗാന്ധി കുടുംബത്തിന് പുറത്തുനിന്നൊരാള്‍ അധ്യക്ഷന്‍ ആകട്ടെയെന്നും തരൂർ കൂട്ടിച്ചേർത്തു. ഗാന്ധി കുടുംബം മത്സരിക്കാനില്ലെന്ന നിലപാട് വ്യക്തമാക്കിയതോടെയാണ് പുറത്തുനിന്നൊരാള്‍ക്ക് സാധ്യത തെളിയുന്നത്.