ഇൻഡിഗോ ഡൽഹി-ബാംഗ്ലൂർ വിമാനം അടിയന്തരമായി തിരിച്ചിറക്കി. പറന്നുയർന്ന ഉടനെ വിമാനത്തിന്റെ എഞ്ചിനിൽ തീപ്പൊരി കണ്ടെതിനെ തുടർന്നാണ് വിമാനം തിരിച്ചിറക്കിയത്. ഡൽഹിയിൽ ടേക്ക് ഓഫിനിടെയാണ് ഇൻഡിഗോ വിമാനത്തിന്റെ എഞ്ചിന് തീപിടിച്ചത്. ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ കർശന സുരക്ഷയും ഏർപ്പെടുത്തി.
യാത്രക്കാരിലൊരാളായ പ്രിയങ്ക കുമാറാണ് സംഭവത്തിന്റെ വീഡിയോ ട്വിറ്ററിൽ പോസ്റ്റ് ചെയ്തത്.
വിമാനത്തിൽ പ്രായമായവരും കുട്ടികളും ഉണ്ടായിരുന്നു. എല്ലാ യാത്രക്കാരും ജീവനക്കാരും സുരക്ഷിതരാണെന്നും അധികൃതർ അറിയിച്ചു. ബാംഗ്ലൂരിലേക്ക് പോകുന്നതിനായി പകരം വിമാനം ക്രമീകരിക്കുമെന്ന് യാത്രക്കാരോട് കമ്പനി അറിയിച്ചിട്ടുണ്ട്.