കോണ്‍ഗ്രസ് അധ്യക്ഷ സ്ഥാനത്തേക്കുള്ള മത്സര ചിത്രം തെളിഞ്ഞു.ശശി തരൂരും ദിഗ് വിജയ് സിങും മത്സരിക്കും. സൗഹൃദ മത്സരമെന്നും വിജയിക്കുന്നത് കോണ്‍ഗ്രസെന്നും തരൂര്‍ .
സ്ഥാനാര്‍ത്ഥിത്വം ഉറപ്പായ ശേഷം തരൂര്‍ ദിഗ് വിജയ് സിങിനെ നേരില്‍ കണ്ടു. അദ്ദേഹത്തിന്റെ സ്ഥാനാര്‍ത്ഥിത്വം സ്വാഗതം ചെയ്യുന്നതായും ഇത് എതിരാളികള്‍ തമ്മിലുള്ള മത്സരമാകില്ലെന്നും തരൂര്‍ സോഷ്യല്‍ മീഡിയയില്‍ കുറിച്ചു. ഞങ്ങൾ ഇരുവരും ഇതൊരു സൗഹൃദ മത്സരമായി മാത്രമാണ് കാണുന്നത്. കോണ്‍ഗ്രസിന്റെ വിജയം മാത്രമാണ് ലക്ഷ്യമെന്നും തരൂര്‍ വ്യക്തമാക്കി.
ഗാന്ധി കുടുംബത്തിന്റെ നോമിനിയായി മത്സരിക്കുമെന്ന് കരുതിയ ഗെഹ്‌ലോട്ട് മുഖ്യമന്ത്രി സ്ഥാനത്ത് നിന്ന് മാറാന്‍ തയാറാകാതിരുന്നതോടെയാണ് ദിഗ് വിജയ് സിങിന് നറുക്ക് വീണത്. ഇരുവരും നാളെ പത്രിക സമര്‍പ്പിക്കും.