വധഭീഷണിയെ തുടർന്ന് ബോളിവുഡ് താരം സൽമാൻ ഖാന്റെ സുരക്ഷ ശക്തമാക്കി പോലീസ് . ഗുണ്ടാ നേതാവ് ലോറൻസ് ബിഷ്ണോയുടെ പേരിലുള്ള ഇ മെയിൽ സന്ദേശത്തിലാണ് വധഭീഷണി. വൈ പ്ലസ് കാറ്റഗറി സുരക്ഷയാണ് താരത്തിന് നൽകിയിരിക്കുന്നത്. ബാന്ദ്ര പോലീസ് കേസ് രജിസ്റ്റർ ചെയ്ത് അന്വേഷണവും ആരംഭിച്ചു
സൽമാൻ ഖാന്റെ ഓഫീസിലേക്ക് അയച്ച സന്ദേശത്തിൽ താരത്തെ നേരിട്ട് കാണണമെന്ന ആവശ്യവും ഉന്നയിച്ചിട്ടുണ്ട് . ഹിന്ദിയിലുളള ഇ മെയിൽ സന്ദേശം സൽമാൻ ഖാന്റെ ഓഫീസ് പോലീസിന് കൈമാറി. കൃഷ്‌ണമൃഗങ്ങളെ കൊന്നതിന് നടൻ മാപ്പ് പറയണമെന്നും, അല്ലാത്തപക്ഷം പ്രത്യാഘാതങ്ങൾ നേരിടാൻ തയ്യാറാകണമെന്നും കഴിഞ്ഞ ദിവസവും ലോറൻസ് ഭീഷണി മുഴക്കിയിരുന്നു
പഞ്ചാബി ഗായകൻ സിദ്ധു മൂസേവാല കൊലക്കേസില്‍ ബട്ടിൻഡ ജയിലിൽ കഴിയുകയാണ് നിലവിൽ ലോറൻസ് ബിഷ്ണോയ് കഴിഞ്ഞ ദിവസം ഒരു ടിവി ചാനലിന് നൽകിയ അഭിമുഖത്തിലെ ഭീഷണിക്ക് പിന്നാലെയാണ ഇ മെയിൽ സന്ദേശവും അയച്ചിരിക്കുന്നത്. ജയിൽ നിന്ന് കിടക്കുന്ന ആളുടെ അഭിമുഖം ചിത്രീകരിച്ചതും വിവാദമായിരുന്നു. എന്നാൽ ജയിലിൽ നിന്നുള്ള അഭിമുഖമല്ല പുറത്തുവന്നതെന്നാണ് പോലീസിന്റെ വിശദീകരണം