INDIA

കര്‍ഷക സമരം ബദല്‍ മുന്നേറ്റങ്ങള്‍ക്ക് ഊര്‍ജം പകരും: ഡോ. വിജൂ കൃഷ്ണന്‍

വരും ദിവസങ്ങളിൽ തൊഴിലാളി കർഷക ഐക്യത്തോടെ സമരം രാജ്യമൊട്ടാകെ കൂടുതൽ വ്യാപിപ്പിക്കും

വിഷ്ണു പ്രകാശ്‌

സമീപകാല ചരിത്രത്തിൽ ലോകം തന്നെ കണ്ട ഏറ്റവും വലിയ സമരമായിരുന്നു കർഷക സമരമെന്ന് അഖിലേന്ത്യാ കിസാൻ സഭ ജനറൽ സെക്രട്ടറി ഡോ. വിജൂ കൃഷ്ണൻ. കേന്ദ്ര സർക്കാർ നൽകിയ വാഗ്‌ദാനങ്ങൾ പാലിക്കപ്പെടാത്തതാണ് രണ്ടാം സമരത്തിന് കാരണമെന്ന് വ്യക്തമാക്കിയ അദ്ദേഹം വരും ദിവസങ്ങളിൽ തൊഴിലാളി കർഷക ഐക്യത്തോടെ സമരം രാജ്യമൊട്ടാകെ വ്യാപിപ്പിക്കുമെന്നും പറഞ്ഞു. സമരം രണ്ടാംഘട്ടത്തിലേക്ക് കടക്കുന്ന സാഹചര്യത്തിൽ ദ ഫോര്‍ത്തിനോട് സംസാരിക്കുകയായിരുന്നു അദ്ദേഹം.

ഇന്ത്യയിലെ രാഷ്ട്രീയ പാർട്ടികൾ നവലിബറൽ ആശയങ്ങളുടെ പുറകെയായതാണ് കർഷകരെ വലിയ ദുരിതത്തിലേക്ക് നയിച്ചതെന്ന് വിജൂ കൃഷ്‌ണൻ നിരീക്ഷിക്കുന്നു. 1991ന് ശേഷം ഇന്ത്യ ഭരിച്ച കോൺഗ്രസ്, ബിജെപി സർക്കാരുകൾ ഈ നയങ്ങൾ നടപ്പിലാക്കാൻ മത്സരിക്കുകയായിരുന്നു. നവലിബറൽ നയങ്ങൾ നടപ്പിലാക്കിയശേഷം സർക്കാർ കണക്കുപ്രകാരം ഏകദേശം നാല് ലക്ഷത്തോളം കർഷകർക്ക് ആത്മഹത്യ ചെയ്യേണ്ടതായി വന്നു. ഇപ്പോള്‍ വിവിധ സംഘടനകൾ സര്‍ക്കാര്‍ നയങ്ങളുടെ ദൂഷ്യം മനസിലാക്കിയത് കക്ഷിരാഷ്ട്രീയ ഭേദമന്യേ കർഷക സംഘടനകളെ ഏകോപിക്കുന്നതിൽ സഹായകമായെന്നും അദ്ദേഹം ചൂണ്ടിക്കാട്ടി.

തൊഴിലില്ലായ്മ കൂടുന്നതിലും ഭക്ഷ്യ സുരക്ഷ ഉറപ്പാക്കുന്നതിലും കേന്ദ്ര സർക്കാർ വൻ പരാജയമായിരുന്നെന്ന് കുറ്റപ്പെടുത്തിയ വിജൂ കൃഷ്‌ണൻ, രാഷ്ട്രീയമാറ്റത്തിന് സഹായകമാകുന്ന തരത്തിൽ ബദൽ മാർഗങ്ങൾ ഉൾക്കൊണ്ടുകൊണ്ട് സമരം ശക്തിപ്പെടുത്തുമെന്നും പറഞ്ഞു. എല്ലാ സംസ്ഥാനങ്ങളിലേക്കും സമരം വ്യാപിപ്പിക്കുന്നതോടെ വരുന്ന ലോക്സഭാ തിരഞ്ഞെടുപ്പിൽ ബിജെപി വലിയ തിരിച്ചടി നേരിടുമെന്നും അദ്ദേഹം പ്രതീക്ഷ പ്രകടിപ്പിച്ചു.

പ്രശസ്ത നാടകാചാര്യൻ ഓംചേരി എന്‍ എന്‍ പിള്ള അന്തരിച്ചു; വിടവാങ്ങിയത് നാടകങ്ങളിലൂടെ മലയാളികളെ ചിരിപ്പിച്ച, ചിന്തിപ്പിച്ച പ്രതിഭ

വൈദ്യുതി വിതരണ കരാറിനായി അദാനി ജഗന്‍ റെഡ്ഡിയെ കണ്ടിരുന്നു; കൈക്കൂലി വാഗ്ദാനം ചെയ്തതായും യുഎസ് ഏജന്‍സി

പെര്‍ത്തില്‍ പിഴച്ച് ഇന്ത്യ; ആദ്യ ഇന്നിങ്ങ്‌സില്‍ 150ന് പുറത്ത്, രണ്ടക്കം കടന്നത് നാലു ബാറ്റർമാര്‍ മാത്രം

രാജിവയ്‌ക്കേണ്ട; പാര്‍ട്ടി സജി ചെറിയാന് ഒപ്പം, തീരുമാനം സിപിഎം സംസ്ഥാന സെക്രട്ടേറിയറ്റില്‍

'നിജ്ജാര്‍ കൊലപാതകത്തെപ്പറ്റി പ്രധാനമന്ത്രി നരേന്ദ്ര മോദിക്ക് അറിവില്ല; എല്ലാം ഊഹാപോഹം മാത്രം', മാധ്യമ റിപ്പോര്‍ട്ടുകള്‍ തള്ളി കനേഡിയന്‍ സര്‍ക്കാര്‍