പ്രമുഖ സിനിമ സീരിയല്‍ നാടക നടനും സംവിധായകനുമായ വി പി രാമചന്ദ്രന്‍ അന്തരിച്ചു. 81 വയസായിരുന്നു. സംസ്‌കാരം നാളെ രാവിലെ 9 മണിക്ക് നടത്തും. മുന്‍ എയര്‍ ഫോഴ്‌സ് ഉദ്യോഗസ്ഥനും അമേരിക്കന്‍ കോണ്‍സുലേറ്റ് ജീവനക്കാരനുമായിരുന്നു രാമചന്ദ്രന്‍. കൂടാതെ സംഗീത നാടക അക്കാദമി അവാര്‍ഡും ലഭിച്ചിട്ടുണ്ട്.
1987 മുതല്‍ 2016 വരെയുള്ള കാലത്ത് സിനിമയില്‍ സജീവമായിരുന്നു രാമചന്ദ്രന്‍. കിളിപ്പാട്ട്, അപ്പു, അയ്യര്‍ ദ് ഗ്രേറ്റ്, പൊലീസ് ഓഫീസര്‍, കഥാനായിക, ഷെവിലിയര്‍, സദയം, യുവതുര്‍ക്കി, ദി റിപ്പോര്‍ട്ടര്‍, കണ്ടെത്തല്‍, അതിജീവനം തുടങ്ങി പത്തൊന്‍പതോളം സിനിമകളില്‍ അഭിനയിച്ചിട്ടുണ്ട്. നിരവധി സിനിമകളില്‍ ശബ്ദം നല്‍കിയിട്ടുമുണ്ട്. പ്രശസ്ത നര്‍ത്തകന്‍ പത്മഭൂഷന്‍ വി പി ധനഞ്ജയന്‍ സഹോദരനാണ്. ഭാര്യ വത്സ രാമചന്ദ്രന്‍, ദീപ, ദിവ്യ രാമചന്ദ്രന്‍ എന്നിവര്‍ മക്കളാണ്.