എടിഎമ്മില്‍ നിന്നും പണം പിന്‍വലിക്കുന്നതിനിടെ മെഷീന്‍ തന്നെ തുറന്നുവന്നാലോ?. ഇത്തരത്തില്‍ പുലിവാലുപിടിച്ചിരിക്കുകയാണ് ഉദിമൂട് സ്വദേശി തോപ്പിൽ ചാർലി.
പത്തനംതിട്ട ഉദിമൂട് ഫെഡറൽ ബാങ്ക് എടിഎമ്മിലാണ് ഇന്ന് രാവിലെ സംഭവം. പണം പിൻവലിക്കുന്നതിനിടെ എടിഎം മെഷീനിന്റെ മുൻഭാഗം തുറന്നുവരികയായിരുന്നു. ചിത്രം എടുത്ത് വാട്സാപ്പ് ഗ്രൂപ്പിൽ ഷെയർ ചെയ്ത ഇടപാടുകാരൻ വെട്ടിലായി. മോഷണം നടന്നിട്ടില്ലെന്നു പോലീസും ബാങ്കും സ്ഥിരീകരിച്ചതോടെ അഭ്യൂഹങ്ങൾക്ക് അവസാനം.
തുറന്നുവന്ന മെഷീനിന്റെ ചിത്രം സഹിതം പോലീസിലും ബാങ്കിലും വിവരം അറിയിച്ച ചാർലി വിവരം വിവിധ വാട്സാപ്പ് ഗ്രൂപ്പുകളിൽ പങ്കിട്ടത്തോടെ കഥ മാറി. മോഷണം എന്ന രീതിയിലായിരുന്നു പ്രചാരണം. എന്നാൽ മോഷണം നടന്നിട്ടില്ലെന്നു ബാങ്കും പോലീസും പിന്നീട് സ്ഥിരീകരിക്കുകയായിരുന്നു