വാളയാറില്‍ സഹോദരിമാര്‍ ദുരൂഹ സാഹചര്യത്തില്‍ മരിച്ച കേസില്‍ രണ്ട് പ്രതികള്‍ക്ക് ജാമ്യം. പാലക്കാട് പോക്‌സോ കോടതിയാണ് ജാമ്യം അനുവദിച്ചത്. റിമാന്‍ഡിലുള്ള ഒന്നാം പ്രതി വി മധു, മൂന്നാം പ്രതി ഷിബു എന്നിവർക്കാണ് ജാമ്യം കിട്ടിയത്. കേസിലെ മറ്റൊരു പ്രതിയായ മനുവിന് നേരത്തെ കോടതി ജാമ്യം അനുവദിച്ചിരുന്നു.
ഓഗസ്റ്റ് പത്തിന് കേസ് പരിഗണിച്ചപ്പോൾ പാലക്കാട് ഫസ്റ്റ് അഡീഷണൽ സെഷൻസ് കോടതി തുടരന്വേഷണം നടത്താൻ സിബിഐയോട് നിർദേശിച്ചു. പോലീസ് നിഗമനം ശരിവയ്ക്കുന്ന രീതിയിൽ ഇരുവരുടേതും ആത്മഹത്യയെന്നായിരുന്നു സിബിഐയുടെയും കുറ്റപത്രം. 2017 ജനുവരി 13നാണ് പതിമൂന്ന് വയസ്സുള്ള പെൺകുട്ടിയെ വാളയാർ അട്ടപ്പള്ളത്തെ ഷെഡിൽ തൂങ്ങിമരിച്ച നിലയിൽ കണ്ടെത്തിയത്. മാർച്ച് നാലിന് ഒമ്പത് വയസ്സുള്ള ഇളയ സഹോദരിയും സമാന സാഹചര്യത്തിൽ മരിച്ചു.