ജാതിയ്ക്ക് രാഷ്ട്രീയത്തിൽ പ്രാധാന്യം ഏറെയാണെന്ന് ശശി തരൂര്‍ എംപി. വോട്ടർമാർക്ക് സന്ദേശം നൽകാനായിട്ടാണ് ജാതി നോക്കി സ്ഥാനാർത്ഥികളെ നിർത്തുന്നതെന്നും സമൂഹത്തില്‍ ജാതിബോധം വളര്‍ത്തിയത് രാഷ്ട്രീയക്കാരാണെന്നും തരൂര്‍ കുറ്റപ്പെടുത്തി.
തന്റെ ഓഫീസിലുള്ളവർ ഏറെയും നായർ സമുദായത്തിൽ ഉള്ളവരാണെന്ന് പരാതി ഏറെ ഉണ്ടായിരുന്നുവെന്നും സാമുദായിക നേതാക്കൾ പറഞ്ഞിട്ടോ ജാതി നോക്കിയോ ആയിരുന്നില്ല ജീവനക്കാരെ എടുത്തിരുന്നതെന്നും ശശി തരൂര്‍ കൂട്ടിച്ചേര്‍ത്തു.
പരാതി ഉയർന്നതോടെ മറ്റു സമുദായത്തിൽപ്പെട്ട ജീവനക്കാരനെ തിരഞ്ഞെടുത്ത് നിയമിക്കേണ്ടിവന്നുവെന്നും തരൂര്‍ വ്യക്തമാക്കി. നിയമസഭ പുസ്തകോത്സവത്തിന്റെ ഭാഗമായുള്ള ചർച്ചയിലാണ് തരൂർ ഇക്കാര്യം വെളിപ്പെടുത്തിയത്.