തിരുവനന്തപുരം നഗരസഭയിലെ നിയമന കത്ത് വിവാദത്തില്‍ തിരുവനന്തപുരം മേയർ ആര്യാ രാജേന്ദ്രന്റെ മൊഴി ക്രൈംബ്രാഞ്ച് രേഖപ്പെടുത്തി. കത്ത് താൻ തയ്യാറാക്കിയതല്ല. ഒപ്പ് സ്കാൻ ചെയ്ത് വ്യാജരേഖയുണ്ടാക്കിയതായി സംശയിക്കുന്നുവെന്ന് ആര്യയുടെ മൊഴി നല്‍കി.

തിരുവനന്തപുരത്തെ വസതിയിലെത്തിയാണ് മൊഴി രേഖപ്പെടുത്തിയത്. ആര്യാ രാജേന്ദ്രൻ മുഖ്യമന്ത്രിക്ക് നല്‍കിയ പരാതിയുടെ അടിസ്ഥാനത്തിലായിരുന്നു അന്വേഷണം ക്രൈംബ്രാഞ്ചിന് നല്‍കിയത്.