തിരുവനന്തപുരം നഗരസഭയില്‍ രാപ്പകല്‍ സമരം നടത്തുന്ന ബിജെപി കൗൺസിലർമാരെ അറസ്റ്റ് ചെയ്തുനീക്കി. പോലീസും സമരക്കാരും തമ്മില്‍ ഉന്തുംതള്ളുമുണ്ടായി. മേയർക്കെതിരെ കൗൺസില്‍ ഹാളില്‍ പ്രതിഷേധിച്ചവർക്കെതിരെ കോർപറേഷൻ സെക്രട്ടറിയുടെ പരാതിയിലാണ് അറസ്റ്റ്. ഉച്ച മുതല്‍ കൗൺസില്‍ ഹാളില്‍ പ്രതിഷേധം ശക്തമായിരുന്നു.
വനിതാ കൗൺസിലർമാരെ അടക്കം പോലീസ് മർദിച്ചതായി ബിജെപി നേതാവ് വി വി രാജേഷ് ആരോപിച്ചു. പ്രതിഷേധം തുടരുമെന്നും രാജേഷ് പറഞ്ഞു. അറസ്റ്റ് ചെയ്ത കൗൺസിലർമാരെ എ ആർ ക്യാമ്പിലേക്ക് മാറ്റി