വിഴിഞ്ഞം പോര്‍ട്ടിന്റെ മാനേജിങ് ഡയറക്ടറായി ഡോ. അദീല അബ്ദുള്ളയെ നിയമിച്ചു. ഫിഷറീസ് ഡയറക്ടര്‍ സ്ഥാനത്ത് അദീല തന്നെ തുടരും. ഒന്നര വര്‍ഷത്തോളം വിഴിഞ്ഞം പോര്‍ട്ടിന്റെ എം ഡിയായിരുന്ന കെ ഗോപാലകൃഷ്ണനെ മാറ്റിയാണ് അദീലയെ നിയമിച്ചത്. ഗോപാലകൃഷ്ണന് പകരം ചുമതല നല്‍കിയിട്ടില്ല. പോര്‍ട്ടുമായി ബന്ധപ്പെട്ട തുടര്‍ നടപടികള്‍ ആലോചിക്കാന്‍ ഇന്നലെയും കെ ഗോപാലക്യഷ്ണന്‍ ഉന്നതതല യോഗം വിളിച്ചിരുന്നു. പ്രൊമോഷന്‍ ആയതിനാലാണ് കെ ഗോപാലകൃഷ്ണനെ മാറ്റിയതെന്നാണ് ഔദ്യോഗിക വിശദീകരണം.