പാലക്കാട് കഞ്ചിക്കോട് കൈരളി സ്റ്റീൽ ഫാക്ടറിയിൽ പൊട്ടിത്തെറി. അപകടത്തിൽ പത്തനംതിട്ട സ്വദേശി അരവിന്ദ് (22) മരിച്ചു. അഞ്ചുപേർക്ക് പരുക്കേറ്റു. ഇതര സംസ്ഥാന തൊഴിലാളികളായ സുനിൽ ഷെട്ടി, നിഷാന്ത് ഷെട്ടി, പ്രദീപ് കുമാർ, ഹരി മിശ്ര എന്നിവർക്കാണ് പരുക്കേറ്റത്. ഇവരെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചു.

പുലർച്ചെ 5.30 നാണ് അപകടമുണ്ടായത്. മരിച്ച അരവിന്ദ് ഫാക്ടറിയിലെ ഫർണസ് ഓപ്പറേറ്ററാണ്. ണ്ടുമാസം മുൻപാണ് അരവിന്ദ് ജോലിയിൽ പ്രവേശിച്ചത്. സ്ക്രാപ് വേർതിരിക്കാതെ ഫർണസിൽ ഇട്ടതാണ് അപകട കാരണമെന്നാണ് പ്രാഥമിക നിഗമനം.

ഫർണസ് പൊട്ടിത്തെറിയിൽ സമീപത്തെ വീടുകൾക്ക് കുലുക്കം അനുഭവപ്പെട്ടു. പ്രദേശവാസികൾ ചേർന്നാണ് രക്ഷാപ്രവർത്തനം നടത്തിയത്. സുരക്ഷാ മാനദണ്ഡങ്ങൾ പാലിക്കാതെയാണ് ഫാക്ടറി പ്രവർത്തിച്ചിരുന്നതെന്ന ആരോപണവും ഉയരുന്നുണ്ട്.