കേരളത്തിലെ കമ്മ്യൂണിസ്റ്റ് സർക്കാരിനേറ്റ കനത്ത തിരിച്ചടിയായിരുന്നു 2016ലെ മാവോയിസ്റ്റുകളെ വെടിവെച്ച് കൊന്ന സംഭവം. എന്നാൽ രണ്ടാം പിണറായി സർക്കാർ ഇതിനേക്കാൾ വലിയ വിമർശനം ഏറ്റുവാങ്ങിയ സംഭവമാണ് അതിനെതിരെ ശബ്ദിച്ച ഗ്രോ വാസുവിനെ അറസ്റ്റ് ചെയ്തത്.

അദ്ദേഹത്തെ വിട്ടയക്കണമെന്ന് ആവശ്യമുയർന്നെങ്കിലും അതൊന്നും തന്നെ ഉണ്ടായില്ല. അതേസമയം ഭരണകൂടത്തിന്റെ കോടതിയുടെയോ ഒരു ഔദാര്യവും വേണ്ടെന്ന് തീരുമാനിച്ച് നിയമ വഴികളെല്ലാം നടന്നുതീർത്താണ് ഗ്രോവാസു സമരവീചിയിലേക്ക് നീങ്ങുന്നത്. സമാനതകളില്ലാത്ത നിയമപോരാട്ടം നടത്തിയ അപൂർവ മനുഷ്യനാണ് അയനൂർ വാസു എന്ന ഗ്രോ വാസു. 94-ാം വയസ്സിൽ ജയിലിൽ നിന്നിറങ്ങുന്ന ഗ്രോ വാസു തന്റെ ഒറ്റമുറിയിലേക്കല്ല, സമര ജീവിതത്തിലേക്കാണ് വീണ്ടും നടന്നു നീങ്ങുന്നത്.