ഗവര്‍ണര്‍-സര്‍ക്കാര്‍ പോര് തുടരുന്നതിനിടെ ആരിഫ് മുഹമ്മദ് ഖാനെതിരെ ഇടത് മുന്നണിയുടെ പ്രത്യക്ഷ സമരം ഇന്ന് ആരംഭിക്കും. സംസ്ഥാന വ്യാപകമായി ഇന്നും നാളെയും പ്രതിഷേധ പരിപാടികള്‍ സംഘടിപ്പിക്കും. സിപിഎം സംസ്ഥാന സെക്രട്ടറി എം വി ഗോവിന്ദനടക്കം മുതിര്‍ന്ന നേതാക്കള്‍ പരിപാടികളില്‍ പങ്കെടുക്കും.
ഗവർണർ ആരിഫ് മുഹമ്മദ് ഖാനെതിരായ പോരാട്ടം കടുപ്പിക്കുന്നതിന്റെ ഭാഗമായാണ് ഇടത് മുന്നണിയുടെ പ്രത്യക്ഷ പ്രതിഷേധ സമരം. അധ്യാപക സംഘടനയിലെയും യുവജന സംഘടനയിലെയും അംഗങ്ങളും സമര രംഗത്തിറങ്ങും. നവംബർ 15നാണ് രാജ്ഭവന് മുന്നിലെ സമരം.
കേരളത്തിലെ ഒന്‍പത് സര്‍വകലാശാലയിലെ വിസിമാര്‍ക്ക് ഗവര്‍ണറുടെ അന്തിമ ഉത്തരവ് വരെ പദവിയില്‍ തുടരാമെന്ന് ഹൈക്കോടതി വ്യക്തമാക്കിയിരുന്നു. എന്നാല്‍ നിയമ പ്രകാരം മാത്രമെ വിസിമാര്‍ക്ക് എതിരെ നടപടി സ്വീകരിക്കാവുവെന്നാണ് നിർദേശം. ഗവര്‍ണറുടെ ഉത്തരവ് ചോദ്യം ചെയ്ത് വിവിധ സര്‍വകലാശാലകളിലെ വി സിമാര്‍ നല്‍കിയ ഹര്‍ജി പരിഗണിച്ചാണ് ഹൈക്കോടതിയുടെ ഉത്തരവ്.