യു പി എസ് സി മോഹവുമായി ഡൽഹിയിലേക്ക് പോയ പന്തളം സ്വദേശി ഷെയ്ഖ് ഹസ്സൻ, തിരിച്ചെത്തിയത് എവറസ്റ്റ് കൊടുമുടി കീഴടക്കിയ ഏറ്റവും പ്രായം കുറഞ്ഞ സിവിലിയൻ ആയാണ്. അവിടെനിന്നും തുടങ്ങിയ യാത്ര ഏഴ് ഭൂഖണ്ഡങ്ങളിലെയും ഉയരം കൂടിയ കൊടുമുടികൾ കീഴടക്കാനുള്ള വലിയ ലക്ഷ്യത്തിലാണ് എത്തിനിൽക്കുന്നത്. ഇതിന്റെ ഭാഗമായി പർവതാരോഹകരുടെ പറുദീസയായ മൗണ്ട് ദെനാലി കീഴടക്കി. ഈ നേട്ടം കൈവരിക്കുന്ന ആദ്യ മലയാളിയാകാനും അദ്ദേഹത്തിന് സാധിച്ചു. പ്രതിസന്ധികൾ ഏറെ നേരിട്ടിട്ടും അവയെ തരണം ചെയ്ത് മുന്നേറിയ, പ്രതിബന്ധങ്ങളെ അവസരങ്ങളാക്കി മാറ്റിയ കഥ ഹസ്സൻ ദ ഫോർത്തിനോട് പങ്കുവയ്ക്കുന്നു.