സമസ്തയെ പിന്നിൽ നിന്നും മുന്നിൽ നിന്നും കുത്താൻ ആരും ശ്രമിക്കേണ്ടന്നും അതിന് ആര് ശ്രമിച്ചാലും വിജയിക്കില്ലെന്നും സമസ്ത പ്രസിഡൻ്റ് ജിഫ്രി മുത്തുക്കോയ തങ്ങൾ. പാണക്കാട് സാദിഖലി ശിഹാബ് തങ്ങളും സമസ്‌ത മുശാവറ അംഗങ്ങളും പങ്കെടുത്ത സമസ്ത മലപ്പുറം ജില്ലാ ഉലമാ സമ്മേളന വേദിയിലായിരുന്നു അദ്ദേഹത്തിന്റെ പ്രതികരണം.

സംഘടനയെ നശിപ്പിക്കാൻ ആരു ശ്രമിച്ചാലും വിജയിക്കില്ല. അത്തരം ശ്രമങ്ങൾ അപകടത്തിലേക്ക് നയിക്കുമെന്നും അദ്ദേഹം പറഞ്ഞു. എല്ലാവരും തെറ്റുകൾ നോക്കി നടക്കുകയാണ്. അതിനാൽ കുഴപ്പം ഉണ്ടാക്കുന്ന ശബ്ദം പണ്ഡിതന്മാരിൽ നിന്നും ഉണ്ടാകാൻ പാടില്ല. സമസ്തയുടെ കീഴിലുള്ള സ്ഥാപനങ്ങൾ സമസ്തയുടെ ആശയങ്ങൾ അംഗീകരിക്കണമെന്നും അദ്ദേഹം ആവശ്യപ്പെട്ടു.