പാലക്കാട് സിപിഎം പ്രവര്‍ത്തകനെ വെട്ടിക്കൊന്നു. മരുത റോഡ് ലോക്കല്‍ കമ്മിറ്റി അംഗം ഷാജഹാനാണ് (40) കൊല്ലപ്പെട്ടത്. സ്വാതന്ത്ര്യദിനാഘോഷ ഒരുക്കങ്ങള്‍ക്കിടെ രാത്രി 9.15 ഓടെയാണ് സംഭവം. ബൈക്കിലെത്തിയ രണ്ടംഗ സംഘമാണ് ഷാജഹാനെ ആക്രമിച്ചതെന്നാണ് പ്രാഥമിക വിവരം. പിന്നില്‍ ആര്‍എസ്എസ് ആണെന്ന് സിപിഎം ആരോപിച്ചു. ഷാജഹാന് വധഭീഷണിയുണ്ടായിരുന്നതായി എ പ്രഭാകരന്‍ എംഎല്‍എ പറഞ്ഞു. കൊലപ്പെടുത്താന്‍ ക്വട്ടേഷൻ കൊടുത്തതായി വിവരം ലഭിച്ചിരുന്നതായും അദ്ദേഹം വ്യക്തമാക്കി.
മലമ്പുഴ കുന്നംകാടുള്ള വീടിന് സമീപത്ത് വെച്ചായിരുന്നു ആക്രമണം. ഷാജഹാനെ ഉടനെ ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.