സംസ്ഥാനത്ത് സെപ്റ്റംബര്‍ 23ന് പെട്രോള്‍ പമ്പുകള്‍ അടച്ചിടും. ഒരു ദിവസത്തെ സൂചന പണിമുടക്കിനാണ് ഡീലര്‍മാര്‍ ആഹ്വാനം ചെയ്തിരിക്കുന്നത്. മതിയായ ഇന്ധന ലഭ്യത ഉറപ്പാക്കണമെന്നും പ്രീമിയം പെട്രോൾ അടിച്ചേൽപ്പിക്കരുതെന്നും ആവശ്യപ്പെട്ടാണ് സമരം.
പ്രീമിയം പെട്രോൾ അടിച്ചേൽപ്പിക്കുന്ന കമ്പനികളുടെ നീക്കത്തിനെതിരെ ഡീലർമാർ ഒന്നിലധികം തവണ നിവേദനം സമർപ്പിച്ചിരുന്നു. എന്നാൽ കമ്പനികളുടെ ഭാഗത്ത് നിന്ന് നടപടികളുണ്ടാകാത്ത സാഹചര്യത്തിലാണ് പണിമുടക്കിലേക്ക് നീങ്ങുന്നത്. എല്ലാ റീട്ടയ്‌ലേഴ്‌സിനും ഇന്ധന ലഭ്യത ഉറപ്പാക്കാൻ കമ്പനികൾക്ക് കഴിയുന്നില്ലെന്ന ആക്ഷേപവും നേരത്തെ തന്നെ ഉയർന്നിരുന്നു.