താമരശ്ശേരി ചുരത്തിൽ നിർത്തുന്ന വാഹനങ്ങളിൽ നിന്ന് യൂസർ ഫീസ് ഈടാക്കാൻ പുതുപ്പാടി പഞ്ചായത്ത് നീക്കം. കഴിഞ്ഞ ദിവസം രാവിലെ മുതൽ 20 രൂപ വീതം യാത്രക്കാരിൽ നിന്ന് ഈടാക്കിയെങ്കിലും ജില്ലാ ഭരണകൂടം ഇടപെട്ടതോടെ ഫീസ് വാങ്ങുന്നത് താത്കാലികമായി നിർത്തി. അതേസമയം ഫീസ് വാങ്ങണമെന്ന നിലപാടിൽ തന്നെയാണ് പഞ്ചായത്ത്. ചുരത്തിൽ മാലിന്യം തള്ളുന്നത് കൂടുന്ന സാഹചര്യത്തിലാണ് യൂസർ ഫീ ഈടാക്കാൻ തീരുമാനിച്ചതെന്നാണ് പഞ്ചായത്ത് അധികൃതരുടെ വാദം. എന്നാൽ യൂസര്‍ ഫീസിനെതിരെ യാത്രക്കാർ രംഗത്തെത്തി.