കണ്ണൂർ കാഞ്ഞിരക്കൊല്ലിയിൽ നായാട്ടിനിടെ റിസോർട്ട് ഉടമ വെടിയേറ്റ് മരിച്ചു. ഏലപ്പാറ പരത്തനാൽ ബെന്നിയാണ് മരിച്ചത്. കാഞ്ഞിരക്കൊല്ലിയിലെ അരുവി റിസോട്ടിന്റെ ഉടമയാണ്. 

കൃഷിയിടത്തിൽ ഇറങ്ങുന്ന പന്നിയെ വെടിവയ്ക്കാൻ സുഹൃത്തുക്കൾക്കൊപ്പം പോയതായിരുന്നു ബെന്നി. നായാട്ടിനിടെ അബദ്ധത്തിൽ ബെന്നിക്കു വെടിയേൽക്കുകയായിരുന്നുവെന്നാണ് സുഹൃത്തുക്കൾ പോലീസിന് നൽകിയ മൊഴി.

വെള്ളിയാഴ്ച രാത്രിയായിരുന്നു സംഭവം. പയ്യാവൂർ പൊലീസ് സ്ഥലത്ത് പരിശോധന നടത്തുകയാണ്. മൃതദേഹം ആശുപത്രിയിലേക്ക് മാറ്റി.