കോഴിക്കോട് നടക്കാവില്‍ യുവതിയെ മര്‍ദിച്ചെന്ന പരാതിയില്‍ നടക്കാവ് എസ്‌ഐ വിനോദിനെ അന്വേഷണവിധേയമായി സസ്‌പെന്‍പെന്‍ഡ് ചെയ്തു. കോഴിക്കോട് റൂറല്‍ എസ്പിയുടെ റിപ്പോര്‍ട്ടിന്റെ അടിസ്ഥാനത്തിലാണ് നടപടി. അത്തോളി സ്വദേശി അഫ്‌ന അബ്ദുള്‍ നാഫിക്കാണ് പരാതി നല്‍കിയത്.
ശനിയാഴ്ച രാത്രി അഫ്‌നയും ഭര്‍ത്താവ് അബ്ദുല്‍ നാഫിക്കും കുട്ടികളും ഉള്‍പ്പടെയുള്ളവര്‍ ബന്ധുവീട്ടില്‍ പോയി മടങ്ങുമ്പോഴായിരുന്നു സംഭവം. എതിരെഎത്തിയ കാറിലുണ്ടായിരുന്ന യുവാക്കളും അബ്ദുല്‍ നാഫിക്കും തമ്മില്‍ തര്‍ക്കമുണ്ടായി. യുവാക്കള്‍ വിവരമറിയിച്ചതിനെ തുടര്‍ന്ന് മറ്റൊരാള്‍ക്കൊപ്പം ബൈക്കിലെത്തിയ എസ്‌ഐ വിനോദ് കുമാര്‍ തന്നെയും കുടുംബത്തെയും മര്‍ദിച്ചെന്നാണ് അഫ്‌നയുടെ പരാതി.
അഫ്‌ന സ്വകാര്യ ആശുപത്രിയില്‍ ചികിത്സയിലാണ്. എസ്‌ഐയ്ക്ക് ഒപ്പമുണ്ടായിരുന്ന യുവാവിന്റെ പരാതിയില്‍ യുവതിക്കും കുടുംബത്തിനുമെതിരെ കേസ് എടുത്തിട്ടുണ്ട്