പ്രതിസന്ധികളെ മനക്കരുത്തുകൊണ്ട് കീഴ്‌പ്പെടുത്തുകയാണ് ആസ്‌പെര്‍ജര്‍ സിന്‍ഡ്രോം ബാധിതനായ സിദ്ധാര്‍ത്ഥ് മുരളി. മലയാളികള്‍ അതിജീവിച്ച പ്രളയവും കോവിഡുമെല്ലാം മനോഹരമായി വരച്ചു പ്രദര്‍ശിപ്പിച്ചിട്ടുണ്ട് ദ ഇന്‍വിന്‍സിബിള്‍ സ്പിരിറ്റ് എന്ന ചിത്രപ്രദര്‍ശന മേളയില്‍.
ഒന്‍പതാം ക്ലാസ്സില്‍ പെയിന്റിങ് ഒരു വിഷയമാക്കി തിരഞ്ഞെടുക്കാന്‍ സിബിഎസ്ഇ അംഗീകാരം നല്‍കിയതോടെ അധ്യാപകരുടെ കീഴില്‍ സിദ്ധാര്‍ത്ഥ് പെയിന്റിങ് പരിശീലിക്കാന്‍ ആരംഭിച്ചു. സിദ്ധാര്‍ത്ഥിന്റെ മൂന്നാമത്തെ ചിത്രപ്രദര്‍ശന മേളയാണ് ഇപ്പോള്‍ തിരുവനന്തപുരം റഷ്യന്‍ ഹൗസില്‍ നടക്കുന്നത്.