2023 ജനുവരി 3 മുതല്‍ 7 വരെ കോഴിക്കോട് നടന്ന 61-ാമത് സംസ്ഥാന സ്‌കൂള്‍ കലോത്സവത്തിലെ മാധ്യമ അവാര്‍ഡുകള്‍ പ്രഖ്യാപിച്ചു. മികച്ച കവറേജിനുള്ള ഓണ്‍ലൈന്‍ മാധ്യമത്തിനുള്ള പുരസ്‌കാരം ദ ഫോര്‍ത്തിന് ലഭിച്ചു. പത്ര-ദൃശ്യ-ശ്രവ്യ-ഓണ്‍ലൈന്‍ മാധ്യമരംഗത്തെ മികച്ച പ്രകടനങ്ങള്‍ക്കാണ് മാധ്യമ അവാര്‍ഡ് നല്‍കി വരുന്നത്.
കെ.ജെ.ജേക്കബ് (എക്സിക്യൂട്ടീവ് എഡിറ്റര്‍ ഡെക്കാന്‍ ക്രോണിക്കിള്‍), വിനോദ് വൈശാഖി (മലയാള മിഷന്‍ രജിസ്ട്രാര്‍), വി.സലിന്‍ (അഡീഷണല്‍ ഡയറക്ടര്‍, പ്രോഗ്രാംസ് & കള്‍ച്ചര്‍, ഇന്‍ഫര്‍മേഷന്‍, പബ്ലിക് റിലേഷന്‍സ് ഡിപ്പാര്‍ട്ട്മെന്റ്) എന്നിവര്‍ ഉള്‍പ്പെട്ട ജഡ്ജിംഗ് കമ്മിറ്റിയാണ് ഈ വര്‍ഷത്തെ മാധ്യമ അവാര്‍ഡുകള്‍ നിര്‍ണ്ണയിച്ചത്. അവാര്‍ഡ് ജേതാക്കള്‍ക്ക് ശില്പവും പാരിതോഷികവും (വ്യക്തികള്‍ക്ക് 20,000/- രൂപയും സ്ഥാപനങ്ങള്‍ക്ക് 25,000/- രൂപയും) ഉള്‍പ്പെടുന്നതാണ് പുരസ്‌കാരം.
ഈ വര്‍ഷത്തെ പുരസ്‌കാര ജേതാക്കള്‍
അച്ചടി മാധ്യമം (മലയാളം)
1. മികച്ച റിപ്പോര്‍ട്ടര്‍ : .എ.കെ.ശ്രീജിത്ത് (മാതൃഭൂമി)
2. മികച്ച ഫോട്ടോഗ്രാഫര്‍ : പി.അഭിജിത്ത് (മാധ്യമം)
3. ജൂറിയുടെ പ്രത്യേക പരാമര്‍ശം : നിതീഷ് കൃഷ്ണന്‍ (സുപ്രഭാതം)
4. മികച്ച സമഗ്ര കവറേജ് : മലയാള മനോരമ, ദേശാഭിമാനി
5. മികച്ച കാര്‍ട്ടൂണ്‍ : റ്റി.കെ.സുജിത് (കേരള കൗമുദി)
അച്ചടി മാധ്യമം (ഇംഗ്ലീഷ്)
1. മികച്ച സമഗ്ര കവറേജ് : ദി ഹിന്ദു
2. മികച്ച റിപ്പോര്‍ട്ടര്‍ : പൂജ നായര്‍ പി. (ദ ന്യൂ ഇന്ത്യന്‍ എക്സ്പ്രസ്സ്)
3. മികച്ച ക്യാമറമാന്‍ : ഇ.ഗോകുല്‍ (ദ ന്യൂ ഇന്ത്യന്‍ എക്സ്പ്രസ്സ്)
ദൃശ്യ മാധ്യമം
1. മികച്ച റിപ്പോര്‍ട്ടര്‍ : റിയാസ്.കെ.എം.ആര്. (കേരള വിഷന്‍ ന്യൂസ്)
2. മികച്ച ക്യാമറമാന്‍ : രാജേഷ് തലവോട് (അമൃത ടി.വി.)
3. മികച്ച സമഗ്ര കവറേജ് : ഏഷ്യാനെറ്റ് ന്യൂസ്
ഓണ്‍ലൈന്‍ മീഡിയം (മികച്ച സമഗ്ര കവറേജ്)
1. ദ ഫോര്‍ത്ത്
2. കൈരളി ഓണ്‍ലൈന്‍
ശ്രവ്യ മാധ്യമം
റെഡ് എഫ്.എം റേഡിയോ