സംസ്ഥാന ഭാഗ്യക്കുറി വകുപ്പ് ഇത്തവണത്തെ തിരുവോണം ബമ്പറിന് റെക്കോഡ് വില്പ്പന. വയനാട് ദുരന്തത്തിന്റെ വേദനയ്ക്കിടയിലും ഭാഗ്യന്വേഷികള് ബമ്പര് വാങ്ങിക്കൂട്ടുകയാണ്. ഓഗസ്റ്റ് ഒന്നിന് ആരംഭിച്ച വില്പന ഇതിനോടകം 23 ലക്ഷം പിന്നിട്ടു. പാലക്കാട് ജില്ലയിലാണ് ഏറ്റവും കൂടുതല് ടിക്കറ്റുകള് വിറ്റുപോയത്, നാലു ലക്ഷം. മൂന്നു ലക്ഷത്തിനടുത്ത് ടിക്കറ്റ് വിറ്റഴിച്ച തിരുവനന്തപുരം ജില്ലയാണ് രണ്ടാം സ്ഥാനത്ത്. രണ്ടര ലക്ഷത്തിനടുത്ത് വില്പ്പന കൈവരിച്ച് തൃശൂര് ജില്ല മൂന്നാം സ്ഥാനത്തുമുണ്ട്.
തിരുവോണം ബമ്പറിന്റെ (BR 99) ഒന്നാം സമ്മാനമായി നല്കുന്നത് 25 കോടി രൂപയാണ്. രണ്ടാം സമ്മാനം ഒരു കോടി വീതം 20 പേര്ക്ക്. മൂന്നാം സമ്മാനം 50 ലക്ഷം രൂപ വീതം 20 പേര്ക്ക്(ആകെ പത്തു കോടി-ഓരോ സീരീസുകളിലും രണ്ട് സമ്മാനം). നാലാം സമ്മാനം 5 ലക്ഷം രൂപ 10 പേര്ക്ക്. 500 രൂപയാണ് ഒരു ടിക്കറ്റ് വില. ഒന്നാം സമ്മാനാര്ഹമാകുന്ന ടിക്കറ്റിന്റെ മറ്റ് ഒന്പതു സീരീസുകളിലെ അതേ നമ്പരുകള്ക്ക് സമാശ്വാസ സമ്മാനമായി അഞ്ചു ലക്ഷം രൂപ വീതം ലഭിക്കും.
75,76,096 ടിക്കറ്റുകളാണ് കഴിഞ്ഞ ഓണം ബമ്പറിന്റെ ഭാഗമായി വിറ്റുപോയിരുന്നത്. തിരുവോണം ബമ്പര് 2024 വില്പ്പനയുടെ ആദ്യ ദിവസം തന്നെ വിറ്റഴിഞ്ഞത് 6,01,660 ടിക്കറ്റുകളാണ്. അച്ചടിച്ച 10 ലക്ഷം ടിക്കറ്റുകളില് ആറുലക്ഷത്തിലധികം ടിക്കറ്റുകള് ആദ്യ ദിനം തന്നെ വിറ്റഴിഞ്ഞതിനെ തുടര്ന്ന് കൂടുതല് ടിക്കറ്റുകള് വിപണിയില് എത്തിക്കാന് ലോട്ടറി വകുപ്പ് നടപടികള് സ്വീകരിച്ചിരുന്നു. അത്തരത്തില് പരമാവധി അച്ചടിക്കാന് കഴിയുന്ന 90 ലക്ഷം ടിക്കറ്റുകളും വിറ്റഴിക്കാനുള്ള ശ്രമത്തിലാണ് സംസ്ഥാന ഭാഗ്യക്കുറി വകുപ്പ്.
2024 ഏപ്രില് മുതല് ഓഗസ്റ്റ് വരെ സമ്മാന ഇനത്തില് മാത്രം ലോട്ടറി വകുപ്പ് വിതരണം ചെയ്തത് 2400 കോടി രൂപയാണ്. മുന് സാമ്പത്തിക വര്ഷം വിതരണം ചെയ്ത സമ്മാനത്തുക ആകെ 7095 കോടി രൂപയായിരുന്നു.ഓണം ബമ്പര് മുതലായവയുടെ സമ്മാനത്തുക കൂടെ കണക്കാക്കുമ്പോള് ഈ വര്ഷവും സമ്മാനത്തുകയില് ഭാഗ്യക്കുറി റെക്കോഡ് ഭേദിക്കുമെന്ന് പ്രതീക്ഷ.