തൃശൂരിനെ ആവേശത്തിലാക്കി പൂരം. ഘടകപൂരങ്ങളില്‍ ആദ്യത്തേതായ കണിമംഗലം ശാസ്താവ് വടക്കുംനാഥ ക്ഷേത്രത്തില്‍ പ്രവേശിച്ചു. പിന്നാലെ ചെമ്പൂക്കാവ്, പനമുക്കംപിള്ളി ശാസ്താവ്, കാരമുക്ക്, ലാലൂര്‍, ചൂരക്കാട്ടുകാവ്, അയ്യന്തോള്‍, നെയ്തലക്കാവ് ഘടകപൂരങ്ങളും വടക്കുനാഥനിലെത്തും.
രാവിലെ തിരുവമ്പാടിയുടെ പൂരപ്പുറപ്പാട് ക്ഷേത്രത്തില്‍ നിന്നാരംഭിക്കും. 11.30ഓടെയാകും മഠത്തില്‍ വരവ് പഞ്ചവാദ്യം.12.15നാണ് പാറമേക്കാവിന്റെ എഴുന്നള്ളത്ത്. രണ്ട് മണിയോടെയാകും ഇലഞ്ഞിത്തറമേളം.വൈകിട്ട് അഞ്ച് മണിയോടെ തെക്കോട്ടിറക്കിന് ശേഷം ഇരുവിഭാഗങ്ങളും മുഖാമുഖം അണിനിരക്കുന്ന കുടമാറ്റവുമുണ്ടാകും. എഴുന്നള്ളിപ്പുകള്‍ രാത്രിയും ആവര്‍ത്തിക്കും. പുലര്‍ച്ചെ മൂന്ന് മണിക്കാകും വെടിക്കെട്ട്.